10.22.2016

නියමෙට ඔතන්න පුලුවන්

අපේ කසුනගේ යාලුවෙක් සෙට් උනා කාලෙකට කලින් කොටින්ම එළ කොල්ලෙක්. කොහේ හරි ගිහින් අපිට සෙට් වෙන්නෙත් කෙන්දරේ උපරිමේට අප්සෙට් ඩෑල් එකක්නේ මූගේ එක අපිටත් වඩා අවුල් කොටින්ම කියනවනම් ලොකේ වෙන්න පුලුවන් බලු වැඩ ඔක්කොම වෙච්ච එකෙක් . ලංකාවේ තියන ලොකුම පිරිසක් වැඩ කරන සමාගමක හිටපු ටිකක් විතර ලොකු විදායක නිලදාරියෙක්. මුගේ කේන්දරේ තියන බලගතුකමට මූ එකත් දාලා ඇවිත් ෆුල් මාවලස් ජීවිතයක් ගතකරන කාලකන්නියෙක්. එක තමයි මූ ගැන තියන හැදින්වීම.

දැන් ඔය ලොකේ තියනවනේ එක එක මැනුම් ක්‍රම දුරක් මනින්න මිලිමීටර් කිලොමීටර්  මයික්‍රොමීටර් එහේම හැබයි මුගේ එක වෙනස් ගමනක් යනවනම්  මූ ඒක මනින්නේ ජොයින්ට් දෙකක දුර තුනක දුර ළඟට යනවනම් ගොල්ඩ් ලීෆ් එකක දුර. ටික දවසක් යනකොට අපි තෙරුම් ගත්තා ජොයින්ට් දෙකක් ගැහුව කියපුවම මූ සැහෙන දුර ගිහින් කියලා..

එතකොට තව තියනවනේ ලන්කාවේ එක එක ප්‍රදේශ. ස්වභාව සෞන්දර්ය උපරිම තැන්. විහුලුවට වගේ අපි මී මුරේ කියමුකො. මූට ලස්සන ගස් වැල් සතා සිවුපාවා වැඩක් නෑ ඒ පැත්තේ ගන්ජා නැත්නම් මූට ඒක පුත්තලන් කලපුවේ තියන ලස්සන වත් නෑ. මූ හිටපු ගමන් කියනවා අපි පට්ට ට්‍රිපක් ගියා මචන් මාර ලස්සන පැත්ත මචන් ආය දවසක් යමන් උඹලත් එක්ක යන්න ඔනේ එහේ මාර කොලිටි බන් ඉස්ම යන්න ලස්සන්යි, ඔය කිව්වේ ඌ කියන සින්හල භාසවෙන්ම තමයි. මූ අන්තිමට කියනවා මචන් ගන්ජා ටිකක් ගැහුවා උදේ ඉදන් උඩ හිටියේ කුඩු සාඩින් කියලා එතකොට ඉතින් අපි තෙරුම් ගන්න ඔනේ මූගේ ට්‍රිපේ තරම සමහර විට පයින් යන දුර වෙන්න ඇති මොනවා උනත් ගන්ජා මුදලාලි කෙනෙක් අහලා පහල ඉඳලා තියනවා සමහර විට කොළඹම තියන ගහක් යට වෙන්නත් පුලුවන් මූ ලස්සන කැත වර්ගීකරනය කරන්නෙත් ඔකෙන්ම තමයි එතකොට.

මට බ්ලොග් එකක් ලියන්න හිතුනේ මුගේ මේ සීන් එක අහනකොට

මූ දවසක් යනවා මාත් එක්ක මූ පිටිපස්සෙ හිටියේ මම දැන් ස්ටිරියන් වීල් එක කරකනවා මූ ටිකකින් කසුනට කිව්වා ඒ මචන් මට පාරිසරික සුන්දර්ත්වය බලන්න ඔනේ මම ඉස්සරහට එන්නද?  මූ දැන් ආවා මූ දැන් එක එක දෙවල් කිය කිය යනවා කතා කියන්න කතා හදන්න කතා ලියන්න මුට අමුතුවෙන්   ආය ඉගන ගන්න දෙයක් නෑ ඉරිදා පත්තරේ වගේ තමයි බොරුවක් උනත් මූ කිව්වොත් ගැටේට අහුවෙච්ච එකාට බඩුම තමයි. කතාවේ තිර පිටපත අද්‍යක්ෂනය නිශ්පාදානය විතරක් නෙමේ බෙදා හැරීමත් මූ ගානේ නොමිලෙම කරලා දෙනව.
කොහොම හරි මුගේ කලින් හිටපු යාලුවෙක් මැරිලා සහොදරයෝ වගේ තමයි ඉඳලා තියෙන්නේ, උගේ ගැන කියනවා මූ, අපි දෙන්නා උදේම නැගිටලා ජොයින්ට් ගහනවා. ඉස්සර අපි දෙන්නා දවල්ට කාලා ජොයින්ට් එකක් ගහනවා අපි දෙන්නා රෑ නිදා ගන්නේ ජොයින්ට් එකක් ගහලා අපි දෙන්නා රෑ මැද නැගිටලා ජොයින්ට් එකක් ගහනවා. අපි දෙන්නා හීනේන් ජොයින්ට් ගහනවා මුගේ එස් අයි එකකේ වෙනස් හින්දා අපිටත් අවුලක් නෑ අහගෙන යනවා කොටින්ම මුට රස්නේ සීතල විතරක් නෙමේ ඔනෙම පැරා මීටර් එකක් මුගේ යුනිට්ස් වලින් මනින්න පුලුවන්.

ඌ ගැන කියලා ඉවර වෙලා මූ හුස්මක් කටක් අරන් එහෙම මචන් මට තව යලුවෙක් හිටියා කියනකොටම මන් ඇහුවා
ඌත් මලාද? ඔව් බන් ..

(අපිටත් පොඩ්ඩ්ක් බය හිතුනා ඇයි ඉතින් මුගේ යාලුවෝ ඔක්කොම මැරෙනවනේ)

ඌත් ජොයින්ට් ගහනවද ? නෑ බන්(මට මාරම සතුටුයි මූට එකෙක් හරි කලින් ඉඳලා තියනවනේ මායි කසුනයි වගේ එවුන්)

මූ ටිකක් වෙලා ඉඳලා කියන්වා ඒ උනාට ඌ මට ඔතලා දෙනවා බන් ඌට නියමෙට ඔතන්න පුලුවන්.


මගේ මීටරේ රතු කට්ට පැන්නා බ්‍රේක් එක පෑගුනා එන්ජිම ඔෆ් උනා ඇස් දෙකෙන් බඹර චක්කර පැන්නා

ඈ බොල වල් බල්ලෝ තොට ගන්ජා වලින් මනින්න බැරි මොනවද තියෙන්නේ මම ඇහුවා නෙමේ මට ඇහුනා.....

Read more »

Followers