වෙසක් සිරි බැලීමි...

වෙසක් බලන්න යන්න කලින් ෆේස්බුක් එකෙන් මැක්සා කතාවක් දැක්කා... 

"ඇයි අද වගේ දවසකවත් තෙරුම් ගන්නේ නැත්තෙ.. අද තිලෝගුරු බුදු පියානන් වහන්සේගේ සම්බුද්ද තෙමගුල සිහි සිදුවෙච්ච උතුම් දවස. ඒත් බෞද්ධ රටක් වෙච්ච අපේ රටේ මගේ යාලුවෙත් බොහෝ දෙනාත් සුබ පතනව,,

" සුබ වෙසක් මන්ගල්‍යක් වේවා" එහෙම නැත්නම් Happy wesak day කියල.. ඇත්තටම මේ හැත්තට පිස්සුද.. එහෙම ප්‍රාර්ථනා කරපු අයට කියන්න තියෙන හොදම වචනේ ඒක වෙන්න ඇති කියල මට හිතුන.. මගේ ප්‍රාර්ථනාව නම් අද වගේ ද්වසකවත් මේ වගේ අයට හිතට කුසල් සිතුවිලි පහල වෙන යමක නියම අර්තය තේරුම් යන දවසක් වෙන්න කියන එකයි,,"

මේ ගැන කීප දෙනෙකුගෙන් අදහස් විමසපුවාම සමහරු කීවේ 
"සුභ පතන එකේ වැරුද්දක් නෑ" කියලා..
මොනවා උණත් මටත් හරිහමං තර්කයක් ගොඩනගාගන්න බැරි උණා මේ කතාව හරි කියන්න.. 
මෙක පෝස්ට් කරපු ඔරිමජිනල් එකාවත් මේකට හේතු පැහැදිලි කරොත් හොඳයි මෙතනින් දැකලා.... 
හැබැයි මට හිතුණා මේක කියපු එකාගේ කටට රුපියලයක් දාන්න... 

කියන්න ගියේ මේ ආලවට්ටං ගැන නෙවේ... වෙසක් සතියේ පොළොන්නරුවෙ ගත කරද්දි මේ පැත්තෙත් වෙසක් කලාප කීපයක් තියෙනවා කියලා ආරංචි වෙලා සැදැහැවත් ගැන්සියක් සෙට් කරගෙන වෙසක් සිරි බලන්න ගියා එක කලාපෙකට... 
තැන තඹලවැව... 

මුලින්ම මේ ආරංචිය ආවේ අපේ අයියා මල්ලිගෙන්... 
"මචං අහවල් දිහා වෙසක්කලාපයක් තියෙනවා අපෙනුත් සම්මාදම් එකතු කරන්න ආවා.... ඒ දවස් වල අපිත් ඔෆිසියෙං විසිදාහක්ම දුන්නා.... යංද බලන්න...?"

"හෆ්ෆට සිරි 20000ක්... යකෝ මාර සල්ලියක් එකතුවෙන්න ඇති නේ එහෙනං ලෙසටම ඇති..."

 ඔන්න ඉතිං බැතිබර සිතිං යනකොට යනකොට ඇතිවෙච්ච තිබහ නිවා ගන්න කියලා අපි කතා උණේ තේ පැන් දංසලක් වගේ එකක් අල්ලා නවත්තන්න... 
වෙසක් කලාපේ ගේට්ටුව පෙනි පෙනී යන්තං එකක් හම්බුණා... අපිත් එතෙනට ගිහින් තේඑකක් කාරිය බීලා එන්න පිටත් වෙද්දි තරු විසි උණේ... 
"මල්ලි සල්ලි දීලා යන්න.... "
හුටා....! ඒක කඩයක්... විලි ලැජ්ජාවයි... එතනින් ගැලවිලා බයික් කටු ටික නවත්තගන්න තැනක් හොයා ගෙන ගියා... ඉතිරිවෙලා තිබ්බ ඉඩෙන් අපි බයික් නවත්තද්දි පොරක් දුවගෙන ඇවිත් ටිකට් එකක් කැඩුවා.... 

"මේ මොකද්ද මේ.....?"
" වාහනයක් නවත්තන්න රු 20ක ටිකට් එකක් ගන්න ඔ්ණේ... හෙල්මට් වලට වගකියන්නෙත් නෑ..."

 තොපිට හෙන ගහපියවු... දැන් ඉතිං මොනවා කරන්නද.. අපි ඇතුලට ගියා.... 

"හෝව්..! හෝව්...!! ටිකට් අරන් යන්න...." 

යකෝ වෙසක් කලාපේ ටිකට් වලටද පෙන්නන්නේ... රු 20ක ටිකට් අරන් ඇතුලට ගියා.... 
අටපට්ටං කූඩු ටිකකට අමතරව ගොනි වලින් වට කරපු පොඩි පොඩි කුටීර... එක එක සද්ද බද්ද... කෝ වෙසක් කලාපෙ..... වට පිට බලද්දි දැක්කා කුණු ඇලකට උඩින් දාපු ඒ දණ්ඩක්... ඒකෙන් මිනිස්සු එහාට එගොඩ වෙනවා... ළං වෙලා බලපුවාම මෙන්න බොලේ ඒක දිගේ යන්නත් රු10 ක් ගන්නවා... 
හැමදාම ගේ ළග තඩි ඔයකට උඩින් ඒදණ්ඩෙන් එගොඩවෙලා යන මට සල්ලි දීලා ඒදණ්ඩේ යෑමේ උණක් නැති නිසා ඒක පහුකරන්ගියා.. 

උණ පතුරු වලින් හදපු නෙළුම් මලක් උඩ සිදුහත් කුමරුගෙ පින්තූරයක් හයි කරලා එතනම ඍජිෆෝම් වලින් හදපු ගෑණු රූපයක්... එක අතකින් මයිළ ගහක එල්ලා... 
මහාමායා දේවි වෙන්ට ඇති... අපහාසයක් එහෙම කොරනවා නෙවේ.. මේවා බලන පොඩි එවුන්ගේ හිත්වලට ඔ්වා කා වැදුනොත් ලොකු වෙලා උන් කියයි "සිදුහත් උපත සිදු උණේ මයිළ වණයක" කියලා.... 

තැන් තැන් වල තිබුණු අටපට්ටං වලට අමතරව තිබුණු අනිත් ඒවා බලන්න සල්ලි ගන්නවා... ආ... තව ගොල්ෆේස් එකේ වගේ විජ්ජුමබර විකුනන කඩවල් ටිකකුත් තිබ්බා ඒවත් බැලුවාම ඉතුරු වෙන්නෙ පසුතැවිල්ල විතරයි නිසා ඒ වෙසක් කලාපෙට හෙණ ගහන්න කියලා අපි හැරිලා ආවා.... 

හයියෝ වෙච්ච දෙයක්...!! අපිට නෙවේ.... මේ මිනිස්සුන්ට... 

Read more »

ඔන්න ඔහොමයි යාළුවෝ

යාළුවෝ ඇතුවත් බැරි නැතුවත් බැරි වෙලාවල් තියෙනවා.. පොඩි පිස්සුවක් කෙලින්න රස්තියාදුවක් ගහන්න.. වලියකට.. ඇයි කෙල්ලෙක් සීන් කරගන්න.. බොකක් සෙට් උණොත් කියන්න වේන්නෙත් යාළුවෙකුටම තමා... එකපාරක් ලොකයා කියලා එකෙක් හන්දා බයික් එක හැතැම්මක විතර තල්ලු කරන් පොලිසි ගියා...

ජයායි මායි.. අනුන්ට සීනි කිරන්න තිරිකුණාමලේ පැත්තෙ ගියපු දවසක රු 12ට විතර ටවුන් එකේ නැවතුනා දවල්ට කන්න.. ඇරලා තිබ්බ එකම කඩේට ගොඩ වැදිලා අතේ තිබ්බ සල්ලි ගණං කලා.. රුපියල් 150යි
 සිගරට් දෙකකට සල්ලි රු 20 ගානෙ 40යි 110ක් ඉතුරුයි...!
"අයියෙ කන්න මොනවද තියෙන්නෙ...??"
"කොත්තු විතරයි..."
"චිකන් කොත්තුවක් කීයද...?"
"180යි..."
"හුටා සල්ලි මදිනෙ...! මාළු... ?"
"150යි..."
"ම්හු... බිත්තර.... ?"
"120යි... චහ් රු 10ක් මදිනෙ.."
"එහෙනම් කරවල කොත්තුවක් දෙන්න"

ඒ පාරනම් මුදලාලිට මල පැන්නා..
"110යි.."
"නෑ මේ කරවල හොදි විතරක් දාන්න... 100ක් දෙන්නං.."
බල්ලොන්ට ලෙලි පොල් දානවා වගේ කොත්තුවක් මේසෙට ආවා.... ඇස් දෙක පියාන ලොකයා විට කනවා වගේ ඒක ගිලලා කඩෙන් එළියට පැන්නා දුම් වැටි දෙකත් පත්තු කරන්, ඉතිරි රු10ට වඩෙ දෙකකුත් අරගෙන..
විනාඩියක් ගියේ නෑ.. ජීප් එකක් ඇවිත් නතර කලා කකුල් දෙක ගාව... කාන්දම් වගේ.... කොහෙ ගියත් පොලෝසියෙන් ඇදෙනවා අම්මපා අපායට ගියත්... වෙරි පිටම අයි පී මහත්තයා බහින කොටත් අපිදෙන්නගේ එක අතක දුම් දාන වඩේ එකකුයි අනික් අතේ දුම් දාන බටේකුයි

මං ටක් ගාලා දුම් බටේ බිම දැම්මා..., අරූ වඩේ එක බිම දැම්මා...
අයි පී මහත්තයා අරූගේ කමිසෙන් අල්ලගෙන ප‍්‍රශ්න කරනවා... කොහෙද යන්නෙ... අරකද.... මෙකද... අන්තිමට...
"තො දන්නැද්ද මෙතන සිගරට් ගහන්න තහනං කියලා..."
"නෑ අයියෙ ....
"අයියෙ..??? කණ පැලෙන්න දෙන්නෙ..... විසික් කරපිය  ඔ්ක දැනවත්..."
"අයියෙ එහෙම කරන්න එපා ආයෙ ගන්න සල්ලිත් නෑ..."
"අරූ විසික්කරා තො මෙතන ලොකු සීන් දෙනවා නේ...?"
"එකනේ ඌ විසිකරපු හින්දා මං තියා ගත්තෙ බාගෙ බාගෙ හරි ගහන්  පුලුවන්නේ.."

මෙහෙම මූ එකට එක කිය කියා හිටියා එකපාරටම ටොහ් ගෑවා අරූගේ කණ හරහා
හොදවැඩේ නරියට මට කරවල හොදි කොත්තු කැවුවට...
දැන් අරු අඩනවා...
"අනේ සර් එහෙම කරන්න එපා සර්... අරූටත් එකක් හරි ගහන්න නැත්තං මට ගමේ වසන්ඩ හම්බෙන්නෑ... ඔ්කා හෙන චීත්තයා...."

ආයෙත් ටොහ් ගෑවා..  පොලිසියේ සියල්ල සතුටින් විසිර ගියා ....

Read more »

බස් කතා....

අර කෝස් මේ කෝස් කර කර හිටපු කාලේ ප‍්‍රැක්ටිකල් වලට එක එක සයිට් වලට වාර්ථා කරන්න ඔනේ කාලයක් ඒක.. සෙට් එක සතියක් මේ සයිට් එකේ හිටියොත් ලබන සතියෙ තව එකකට යන්නත් ඉඩ තියෙනවා... එහෙම උණාම සින්නෙක් හරි කවුරු හරි එකෙක්ව එක්ක ගිහින් තැන පෙන්නලා එනිත් එවුන්වත් එක්ක හෙට ඉඳන් එන්න කියන එක තමයි සිරිත...
අපේ කරුමෙට පාර බලාගෙන එන්න ගියේ පොයියා.. මේකත් එක්ක ගිහින් රාජගිරියෙ ඉන්නවා ඌ අපිට නගින්න ඕනෙ බස් එක පෙන්නනකල්.. ඉන්නවා ඉන්නවා "බස් කමිං නෝ කලර්..." 
බැරිම තැන උගෙන් ඇහුවා 
"මොකේද බන් යන්න ඕනෙ...??"
" හිටපංකො හිටපංකො... !!"
ඔං උත්තරෙ... කොළඹ දන්නවා කියලයෑ.. ආයෙත් ඉන්නවා ඉන්නවා... බසුත් හෝ ගාලා යනවා... ම්හු... මූ නගින්නෙ නෑ..
"අඩෙ තාම නැනෙ බං... "
"හිටපං බං හදිස්සි නැතිව..."
" දැං ඉතිං ලොක්කගෙන් බැනුම් තමයි.."
 දැං එක එකා බිම වාඩි වෙලා ඔළුවෙ අත ගහගෙන... සමහරු තාප්පෙට හේත්තු වෙලා.. අනතිමට එකෙක්ට මල පැනලා ජාතිය අමතලා ඇහුවා...
"බල්ලො දන්නැත්තං දන්නෑ කියපිය... මොකෙද තෝ එදා ගියේ... ??"
"එදා බන් නිල් ඉරි ඉරි බස් එකක ගියේ බං ඒක තාම නැනේ...."

පොයියා දැං කොල්ලුපිටියෙ පොලොසියේ ට‍්‍රැෆික් රාළහාමි කෙනෙක් කොහොම රාජකාරි කොරනවද මන්දා... 

අනිකා මීයා... අවුරුද්දට ඔක්කොමලා උංගෙ ගෙදර යන්න සෙට් වෙලා... හැමොම වෙලාවට ටවුමට සෙට්වෙලා සන්කුයික් එකක් කාරිය අරගෙන බස් එකකට නැග්ගා.. දැං බහින තැන දන්නෙ නෑනෙ ඌට කොල් එකක් ගත්තා... 
"මචං අපි බස් එකේ එන ගමන් කොහෙන්ද බහින්න ඕනෙ .. "
"උඹලා නිශ්ශංඛමල්ල පන්සල ගාවට ටිකට් ගනිල්ලා.. පන්සලට හෝල්ට් දෙකකට කලින් බැහැලා කෝල් එකක් ගනිං.... "

ඉතිං අපිට දිවැස් තියෙන්න ඕනෙ උංගෙ ගේ ගාවින් බහින්න.... 

තව ඉබ්බා කියලා එකෙක් ඉන්නවා.. ඌ පළවෙනි දවසේ එකෙක් එක්ක වැඩට ගිහිල්ලා... අරූ කියලා 
"මම හෙට වැඩට එන්නෙ නෑ බහින තැන මාර්ක් එකක් දාගනින් හෙට තනියම එන්න වෙන්නෙ" කියලා... පහුවදා මීයා වැඩට එනකොට 11යි දාඩිය පෙරාගෙන එනවා.. 
"මොකෝ බන් මේ...??"
" පයිං එන්ඩ උනානෙ බන්... මෙතනින් බැහැගන්ඩ බැරි උනා....ඊයෙ එනකොට මං හෙන කටවුට් එකක් මතක තියාගත්තා ඒක පහුවෙද්දි බෙල් එක ගැහුවනම් හරි.. අද එනකොට ඒක හම්බුනේ නෑ... කොන්දගෙන් අහලා බලද්දි පහුවෙලා.."
" මොකද්ද මතක තියාගත්ත කටවුට් එක....??" 
"අර අතන... යශෝධා ඉන්න, ලක්ස් එක.... !!"
මේකා මතක තියගෙන තියෙන්නෙ අර සැරින් සැරේට පින්තූර මාරුවෙන කටවුට් එකක්... අද බලන කොට ඒකේ හිටියෙ සංගීතාලු..

Read more »

ආමි කාරයා ත‍්‍රීවීල් කාරයා වීම ( ආමි කාරයා නොහොත් රස්තියාදුකාරයා 2 )

 කලිං කැල්ලත් බලලාම එන්න නැත්තං තේරෙන්නෙ නැතිවෙයි..


"මම එදා ඉටිපන්දම් අනංමනං ටිකක් පෙට්ටියක දාගෙන එද්දි අර පටු බිත්තිය ගාවින් මාව පිටිපස්සෙන් ඇවිත් බදා ගත්තා... බලද්දි මේජර්."
"මං ඔක්කොම ටික බිමදාලා අනිත් පැත්ත හැරිලා දුන්නා කොහොමද දන්නවද.... 
හැබැයි මට බය හිතුණා.... මොකක් උණත් ඌ සීනියර් ඔෆිසර්නේ..... 
මම කෙළින්ම දුවලා ගිහින් නැවතුනේ මේජර් කරුණාරත්න ගාව...
 ඌ එළ අපිට කතා කරේ පුතා කියලා.. ඌට මම සීන් එක කිවුවා... 

මගේ අත පැළිලා තිබ්බෙ එතෙන්දි දැක්කෙ.. මූ මාව බෙහෙත් දාන්න සී එම් සී ගාවට යවලා මූ අරූට කේස් එක ඇද්දා.. !!
දැන් මචං මම පොර.. හෙන ලොකු වැඩක් කරා වගේ.. ඒ උණාට කරුමෙ කියන්නෙ.. කරුණාරත්නට ප‍්‍රමෝෂන් එකක් හම්බුණා, 
පොර ගියා දැං අපිට කවුරුවත් නෑ... 

චපී අයියගේ හිතේ තිබ්බ ආවේගයෙන් කියාගෙන ආපු කතාව තරම්ම දිග ෂොට් එකක් උගුරෙන් පහළට හලා ගෙන මූණ අකුල ගෙන 
"ෂැන්ඩි දාන්න බැරි උණානේ.." කියා හිණා උණත් උගේ ඇස්වල කඳුළු ආවේ ගල් සැරටනං නොවන බව සහතිකය.. 
"ඊට පස්සෙ බං මට කෙළඋණා හොඳම එකෙන්.. ඌ පලි ගත්තා කියන්නෙ මට සිරාවටම මැරෙන්ඩ හිතුණා.. මං කවදා හරි මැරෙන්නෙ  මූවත් මරලාම තමයි කියලා එතකොට මං හිත හදා ගන්නෙ.. .. 
සාමාන්නෙං බං ඔය පොඩි පොඩි වැඩවලට දාන්නේ පොඩි උංනෙ.. මූ වතුර ගේන්ඩයි තේ ගේන්ඩයි තණකොළ කපන්නයි හැම හු***ම මටම කතා කරනවා.. නිකං ඉන්නම නෑ... පී.ටී ඉවර වෙච්චි ගමන් මොකක් හරි වැඩක් මං පැය විසි හතරෙ කොයි වෙලාවෙත් පී ටී නැත්තං ඩියුටි එහෙමත් නැත්තං කඩේ යනවා..

 සාමාන්‍යයෙන් ඩියුටි ඉවරවෙලා වෙපන් එක බාර දෙන්නෙ සුද්දකරලා මැදලා තෙල් දාලා නැත්තං කන්න වෙනවා.. දවසක් මං කෑම්ප් එකට එනකොටම අල්ලගත්තා. නවරත්න කැප්ටන් සමරෙ කොල්ලෙක් මදිව හොයනවා 3ට කලින් එතෙන්ට යනවා. යස් සර් තමයි ඉත් වෙන මොනවා කියන්නද.. 
3ට විනාඩි 5යි පාන්දර නිදි මතේ බං මං ගියා වෙපන් එක සුද්ද කරන්න වෙලාවක් නෑ ඒක දුන්නා  ඒක අරූ බාරගන්ඩ බෑ කිවුවා.. ඉතිං හෙන ගේමක් දීලා ඔන්න ඒකත් මැදලා දිලා යනකොට කැප්ටන් කාරයා වෙන එකෙක්ව වැඩේට සෙට්කරගෙන මං ආපහු ආවා...  අර ප*** සීන් එක බලං ඉඳලා නිදා ගද්දිම අරූ ආවා 

තෝ මොකෝ ගියෙ නැත්තේ... 
සර් වෙපන් එක.. 
වෙපන් එක.. !! පළ ගිහින් ඔක්කොම වෙපන් ටික ආයෙ මැදපිය..!!
ආයෙත් 'යස් සර්' කියලා ගියා... 
මං ඒවෙනකොට දවස් තුනක් නිදියලා හිටියෙ නෑ.. මට වෙපන් එක මැද මැදම නින්ද යනවා...

මට ඒ වෙලාවෙ හිතුණා බට්ටෙක්  ගලවලා දාන්ඩ හැත්ත බුරුත්ත ඔක්කොම හැඳිගෑවිලා යන්ඩ.. ඒ ප්ලැටූන් එකේ බොක්ක දෙන්ඩ හිටපු කොල්ලො හින්දා බොහොම අමාරුවෙන් අදහස අත ඇරියෙ.. 
 ආයෙ ඉතිං ග්‍රෙනේඩ් පෙට්ටියකට දැම්මනං ඉතිං පළාතම ඉවරයි.. මං එකක් සාක්කුවෙත් දාගත්තා... 
හරි කමක් නෑ... තව දවස් 5නෙ..  හිටපංකො නිවාඩු දෙනකං කියලා කාගෙන හිටියා...
පහුවදා රූ අපි සෙට් එක ඩියුටි දැම්මෙ ලයිට්හවුස් එකේ.. මට දැං ඉන්ඩම බෑ.. කොමාන්ඩෝ කෝස් එක කරා වගේ.. ඇවිදගන්නත් පණනෑ.. 
මුං ඔක්කොම මට වෙන සීන් එක දැනගෙන හිටියෙ... එකෙක්ටවත් කරගන්ඩ දෙයක් නෑ බයයි.. 

පස්සෙ සාජන් මට කතා කරා.. නවරත්න තමුසෙ නගිනවා උඩට.. !! 
මාව උඩට නග්ගන්න හදන්නෙ.. එතකොට මට නිදාගන්න පුළුවන් හින්දා මුං මගේ අතේ ගෙජ්ජියක් බැඳලා නූලක් ගැට ගහලා උඩ නිදාගනින් කියලා යැවුවා... කවුරු හරි එනවනං නූලෙන් ඇදලා ඇහැරවනවා මමත් පාඩුවේ ඉන්නවා.. 
අන්තිම වතාවෙ ගියපු නින්ද ගියාම තමයි ඇහැරුණේ නෑ වැඩේ මාට්ටු.. එදා නං පුක පැලෙන්න ගුටිකෑවා සෙට් එකම.. 
හෙළුවෙං පෝට්රෝල් ගැස්සුවේ බොරළුගොඩේ.. 
කරවල් හමගිහින් ලේ බේරෙනවා.. 
එදා නිදාගන්නෙත් නැතිව ඉඳලා පහුවෙනිදා නිවාඩු හම්බුණා... එදා ආවට පස්සෙ තමයි මේ... 
මට මල්ලි වෙන රස්සාවකට යන්නත් නෑ... මාව ගත්තෙ නෑ..
කුලී වැඩ කරන්ඩත් බෑනෙ හැමදාම... අන්තිමට ත‍්‍රිවිල් එකක් ගත්තෙට ඒකටත් ගෑණු එහෙම නගින්නෙ නෑ.. මං ආමි එකෙන් පැන්න එකෙක් හින්දා.. 

එතනින් එහාට මං මොකුත් ඇහුවෙත් නෑ.. ඌ මොකුත් කිවෙත් නෑ... බීලා ඉවර වෙනවෙනකල්ම..
 

---

ප.ලි නම් ගම් හා සිද්ධි සියල්ල සත්‍යයි..

Read more »

ආමි කාරයා නොහොත් රස්තියාදුකාරයා

පොඩිකාලේ සිටම දෙමවුපියන් අපගැන තැබූ විශ්වාසයට පිං සිදුවන්නට ගමෙහි හැම අස්සක් මුල්ලක සිටින විවිධ තරාතිරම්වල මිනිසුන් සමග ආශ‍්‍රය කිරීමට හැකියාව ලැබුණි. අවශ්‍යයෙන්ම හොඳට හො නරකට ස්වයං සමාජ අධ්‍යනයකට අපව යොමු කරවීම, දැන් සිටින තත්වයට හේතු වූ සිදධාන්ථයකි.. 
මාගේ හා සහොදරයාගේ යහළුවන් සමග "ගැන්සි ගැහිමෙන්" පොල්ගස් නැගිමේ සිට පිහිනීම හා සාමාන්‍ය පෙල ගණිතයට ඒ සාමාර්ථ දැක්වීම දැක්වීම දක්වා හපන්කම් පෙන්වීමට හැකි විය. 

මේ සිද්ධියද ගැන්සියෙ එක් රස්තියාදුකාරයෙකුගේ කතාව සැකෙවින් කිවු හැටිය. 
රස්තියාදුකාරයෙකු හෙවත් ත‍්‍රි වීලර් ඩයිවරයෙකු පමණක් නොව ආමි කාරයෙකුද විය එයත් හමුදාවෙන් පැනපු එකෙකි. සමාජ අවශ්‍යතාව අනුව සෙල්දාදුවා ජාතික විරයෙක් මෙන්ම විටෙක හමුදාකාරයෙකු වන සේම ඩයිවරයෙකු රස්තියාදු ගසන්නෙකුව හංවඩු ගසා ඇත. 

හමුදාවෙන් පැන ගිය එකෙකු දුටුවිට "අපරාදෙනෙ..  ඔච්චර හිටපු එකේ තව ටිකක් හිටියනම්..." කියන්නට අපිට කට කහන්නේය. ඒ බව හොඳින් අත් වින්දෙ මා හා එක පන්තිවල සිට පසුව විශේෂ බලකායට ගිය 'දයාන්' ඉන් පැන විත් හන්දියේ දැමූ තේ කඩයේ කාලේ කෑ නිසාම නොව "දැන් යුද්ධෙ අහවර නිසා හිටියනම් පැන්ෂන් එකකුත් හම්බෙනවා නොවේදැ"යි මටද කියන්නට සිත්වී ඇති නිසාය... 
මක් නිසාද යත් මගේ එකම අයියා ආමිකාරයෙකු සේම හොඳම මිතුරා නේවි කාරයෙකු නිසාවෙන් උන් ඒ විදියට රාජකාරිය නිමා කරනු දකින්නට ඇති කැමැත්ත නිසාවෙනි. 

යටගිය කතාවකින් පසුව කටේ හලාගත් ගල් ෂොට් එක වැහෙන්න මස් කෑල්ලක් කටේ ඔබා ගත් චපී.. 
"අපි ඉතිං බං කොහොමත් චාටර් එවුන්නෙ." යි පවසා වීදුරුව මා අතට දුන්නේය. 
"මං 7 වසරට එනකං මල්ලි පන්තියෙ 1 නැත්තං දෙක." 

ඉන් පසු ඔහු පසුබෑ බව පැවසුවත් ඔහු කිසිවෙකුටත් ඒ ගැන දොස් කීවේ නැත 

"එකොළහේදි මාව ගොඩ දැම්මෙ මැණිකෙ ටීචර්. අනිත් ටීචර්ලට මාව පෙන්නන්න බැරුව හිටියෙ. රිසාල්ට් දැකලා ටීච මාව ඉම්බා. උසස් පෙළ කරන්න ලැබීමක් නෑ බං ආමි පිස්සුව ගැහුවනේ."

ඔහුගේ මුහුණෙහි පැහැදිළි හැගීමක් දැකගත නොහැකිය. 
"මම මල්ලි ආමි එකට ගිහින් දැනට අවුරුදු දහඅටයි හොර උප්පැන්න හදාගෙන ගියේ."
කොල්ලන්ගේ ලේ රත් උණාම එන සිතිවිලි ගැන පොලොවෙ පයගහලා ඉන්න උන් සාක්ෂි දරති.. 
"මං අවුරුදු තුනෙන් අමි එකෙන් පැන්නා ඔ්යි. යුද්ධෙට බයේ නෙවේ ගල් කොස් එකට අහුවෙලා...., මට අප්පිරියා කලා බං."

 මගේ අයියා දෙසට වීදුරුව දික්කරන ගමන් ඔහුගෙන් අසා දැනගත් පරිදි මේවන විටත් සේවයේ නියතුනම් ඔහු 'ස්ටාෆ්' කෙනෙකි එය යම් හොඳ මට්ටමක් බව ඔහුගේ හඩින් මට දැණුනි. 
චපී අයියාගේ ආශ‍්‍රය අපේ මව උවත් සැමවිට නොරිස්සුවාය ග‍්‍රිස් යක්කු ගැන ආරංචි අරන් එන ලලිතා නැන්දා පවා චපීගේ නම හොරෙන් කියන්නෙ අයියාට ඇහුණොත් වයස නොබලා හුප්පදයක් අහගන්නට වන නිසාය. 
"සිනියර නම්බර් එකක් මට තිබ්බෙ මගේ වැඩ නීට් එකට තිබ්බා ලොක්කා උණත් ප‍්‍රයිවෙට් නවරත්න කියපුවාම දන්නවා.."

ඇත්තෙන්ම ඔහුගේ කතාවෙන් සමහර තැන් මට නොතේරුණි එම නිසා ඇතැම් ඔහු කි සිද්ධි අමතක වී ගොස් ඇත නැතහොත් උවමනාවෙන් අමතක කර ඇත. මට මෙන් අන් එවුන්ටද ඔහුගේ කතාව වැදගත් කමක් නැත... වැදගත් එකම දෙයනම් පැනපු ආමිකාරයෙකු යන වග පමණි... 

"මම එදා ඉටිපන්දම් අනංමනං ටිකක් පෙට්ටියක දාගෙන එද්දි අර පටු බිත්තිය ගාවින් මාව පිටිපස්සෙන් ඇවිත් බදා ගත්තා... බලද්දි මේජර්."

මේක දිග වැඩි වෙනවා වගේ ඉතිරි ටික පස්සෙ දාන්නම්..

Read more »

රෙස්පට්..කෙල්ලෝ ....

 ඔය අපේ පන්තියේ ඒ කිව්වේ අ.පො.ස. උ/පෙ මැස් පන්තියේ හිටියා කෙල්ලෝ හය දෙනෙක් එකෙක් හිටියා හොස්ස ලඟින් බල්ලෙකුට වත් යන්න බෑ මල පයිනවා.. ඕකි තමා ඉතින් අපිත් එක්ක පොර කාල බත් එකක් කන්න එන්නෙත් කොස්ස අරන් පස්සෙන් පන්නන්නෙත් ඒ වගේම ගඩොල් භාග වලින් ෆිට් එක වැඩි කමට ගහන්නෙත්. ඕකිට නමක් දාන්නත් එපයි එක නිසා අපි එයාට ප්‍රියා කියමුකෝ. ඕකි ඉස්කෝලෙට ආපු දවස් වල ඕකිට රැග් කොරන්න ගිහින් අපිට එපා වුනා අපිට ගහනවා තව පොඩ්ඩෙන් අතට අහු වුන එකෙන්.

කොහොම කොහොම හරි අපිට පේලි දෙකක් ඉස්සරහින් තමා ප්‍රියා හිටියේ, කොළ ගුලි වලින් පොඩි ගල් කැට වලින් ගහපුවාම ඔලුව පැලෙනවා නම් ඕකිට අද ඔලුවකුත් නෑ ඇත්තටම තිබුනෙත් නෑ තාමත් නෑ මං හිතන්නේ .. අපාරාදේ කියන්න බෑ වැදගත් කෙල්ල මොනවා උනත් එකත් කියන්න එපැයි. නැත්නම් මේක කියවලා ඊලග පාර හම්බ වුනාම මට පයින් ගහනවා කන පැලෙන්න සුචර් එකට. මොකද මේක ලියලා ලින්කුව මම අනිවා ඩෙෆා ඔකිගේ මුණු පොතේ පණිවිඩ පෙට්ටියට  අස්සට යවනවාමයි....නේ..

ඉස්කෝලෙන් ආවට පස්සේ මට ප්‍රියාව හම්බ වුනේ එක පාරයි. ඔය කුරුණෑගල පැත්තේ මොකද්දෝ වැදගත් වැඩකට යන වෙලාවක මේකිව හම්බ වුනා ඒකත් අවුරුදු විසිපහකට විතර කලින් මං හිතන්නේ.. ඊට පස්සේ මට හම්බ වුනේ, ....
පසුගිය පෙබරවාරි පස්වන ඉරිදා සවස හතරට විතර කොළඹ නුවර බස් රථයකදීය......

ඔය ඉස්සර කාලේ මම හිටියේ නිකන් වැදගත් මිනිහෙක් වගේ .. කොන්ඩේ වවලා රැවුල වවලා  මහත් වෙලා , ෂඃ බලන්ඩ එපැයි වැදගත්කම ඒ කාලේ ... 
මේක තමා අලුත් සීන් එක 

මම නිවාඩු ඉවරවෙලා එන ගමන් තමා හිටියේ .. 

අපේ ඔය කෙස් එකක් තියනවා ආපහු සේවයට වාර්තා කොරනකොට . කොන්ඩේ කපලා අත් දිග ෂර්ට් එකක් ඇඳලා අත් දෙක කලිසමට යට කොරලා කළු බෙල්ට් එකක් දාල කළු සපත්තු දෙකක් දාලා අර මොකාද එකාගේ ගෙදර යනවා වගේ තමා යන්න ඕනේ. හැබැයි අපිට එන්න වෙලාව දෙන්නේ රෑ අටට නැත්නම් දහයට.. බස් වල එන එවුන්ට පේන්න තමා අපි ජෙන්ටා  එන්නේ.. බෑග් විසි හයක් විතර අරන් කටිනුත් එකක් එල්ලන් අපි ජෙන්ටා .....
නිවාඩු එන දවසට වුන්ට ෆැන්ටා පොවන්න හිතෙනවා....

එදා මම රෝදෙට උඩ තියන ෂීට් එකේ තමා හිටියේ... මම ඉතින් ඇබ දෙකත් කනේ ඔබා ගෙන සින්දුවක් අහගෙන මජ් ගාර්ඩ් එකට තාලෙට පයින් ගහ ගහ තමා හිටියේ.. මට එහා පැත්තේ දමිල ජාතික තරුණ ගැටවරයෙක් පොඩ්ඩක් බීලා ... මට හොඳටම සුචර් ඌ ගහලා තිබ්බේ ගල්.. ෂඃ ගඳ ඉන්ඩ බෑ... ඇත්තමයි බොනකොට ගඳ  නෑ කියලා නරකයා එක දවසක් කිව්වා මට මතකයි... මම නම් ඉතින් ඕවට නෑනේ.... 
මම වුටත් එක්ක හරියන්න වංගු  ගන්න ඕනේ නැත්නම් මට ජනේලෙන් කලින් බහින්න වෙනවා  මට මලේ මල ....
අයි යකෝ පොඩ්ඩක් බුදිය ගන්න බෑ මූ කරේ නගින්ඩ හදනවා ... මම හොයා ගත්ත විසදුමක්,... එහා පැත්තේ සීට් එකට කකුලක් තියලා මම මුව තද කරා ජනේලට................ අම්මෝ මට තියන සතුට ....සැපට නින්දක් දා ගෙන මම කල්පනා ලොව මල්  වගේ.... 

පුරුද්දට වගේ අපිට ඔය දේවාල තියන තැන් වලින් අහරෙනවනේ මටත් ඇහැරුනා පොල්ගහමුල(පේරාදෙණියේ) දේවාලේ  ලඟදි... ලාවට වගේ අලුයම ලොව බලද්දී දැක්ක මේකිව .. මට කිරිගහට මෝල් ගහෙන් ඇන්නා වගේ සුචර් මේ ප්‍රියා තමා කියලා ... 

මෙකි මට එක දවසක් කෝ අත දියන් කියලා අල්ලට ඇන්නා ටෙස් ටියුබ් කෑල්ලකින් ලේ පයින්න.. ඇයි කියල අහපුවාම කියනවා උඹලගේ ලේ රතු පාටමද කියලා බලන්නලු...මට ඉතින් එයින් පස්සේ ප්‍රියාගේ මුන හොඳට මතකයි. ...වෙලාවට  මම  එළු  මස් කන්නේ නෑ කනවා නම් එදා ඕකිව චව් චව් ගාලා කනවා...
මේකි ඉන්නවා ලැප් ටොප් එකත් කිහිල්ලේ ගහගෙන තව බැග් එකකුත් බෙල්ලේ එල්ලගෙන 
ඉස්සරහ හිටපු අක්කගේ බෙල්ලෙන්ද කොහෙද අල්ලාගෙන හිටියේ වැටෙනවට...
කොහොමහරි කොන්ද අයියට පයින්ද කොහෙද ගහලා ටිකත් එකත් බලෙන්ම වගේ ගත්තා මන් දැක්කා... බහින්නේ කැළණියෙන් කියලා මට කලින් ඇමතුමක් දීපු වෙලාවක කියල තිබුනා.. 
මොකද මේකිගේ ජොබ් එක තමා කැම්පස් එකේ අහිංසක කොල්ලන්ට කෙල්ලන්ට බොරු කියලා දෙන එක. ඒ කිව්වේ ඩිමෝ කෙනෙක්.... 
මම දැන් බලන් ඉන්නවා මේකි මගේ දිහා බලලා අනේ මචන් කොහොමද කියනකන්..

දෙපාරක් විතර මේකි බලලා අහක බලා ගත්තා..

මට මතක් උනා මේකිට මාව අඳුන ගන්න බැරිව තමා මේ ඉන්නේ කියලා කන්නාඩි දෙකත් ගලවලා දත් හතළිහක් විතර පෙන්නලා හිනා වුනා ... මොන මේකි අහක බලා ගත්ත අර කෙල්ලෝ එක පාරටම අර දාන්නේ බැල්මට් එකක් "කොල්ලෝ නම් මොනවද "

මට හෙන ආතල්...... මම ඉතින් මගේ කට හඬ අඳුන ගනීද කියලා බලන්න සූ සූ කිව්වා ... මේකි බැලුවා නිකන් බැල්මක්  ආය මොකුත් නෑ ඒකිගේ හිතේ තිබ්බ ඔක්කම ඇස් දෙකෙන් සට සට ගාලා වැටුනා.... 
මමත් නිල වෙලා ගියා ඇයි යකෝ මෙච්චර මේ එකට මුකුණුවැන්නත් එක්ක බත් කාපු කෙල්ලනේ... 

මටත් දැන් එකෙන්ම හිනාව නවත්තන්න බෑ .... 

බස් එකේ ඉන්න වුන් මගේ දිහා බලන් ඉන්නවා.....

මම අර කොල්ලටත් පයින් එකක් ගහල අහරුවා....  ඌ හොරාට මගේ දිහා බලලා අපහු නිදා ගත්තා.

මම දැන් ප්‍රියාව අප කරනවා... 

මේකී හිතන් ඉන්නේ මම ඒකිට ෆොටෝ ගහන්න කතා කරනවා ... මමත් ඉතින් මේකිට ලයින් පාර දාගෙන අවා කෑගල්ලට ... 

පස්සේ මේකී ඉස්සරහා වාදී වුනා.....

මමත් ඇරියේ නෑ ගේම... 

මම හෙමින් කලගෙඩි හේන හරියෙන් නැගිටලා ඉස්සරහට ගිහින් මේකී ලග හිට ගත්තා... 

මේකිට මලේ මල මගෙත් එක්ක ... 

ඩෝග් ගාල මම මේකිගේ ඔඩොක්කුවට බැග් එක දැම්මා.... මමත් බයෙන් තමා ඉන්නේ මොකද මේකිට තැනක් නොතැනක් නෑ මල පැන්නොත් එහෙම........

මම තව ටිකක් මල පන්නලා ඇහුවා 

ඈ බෝල යකෝ ප්‍රියා ... මම අරූ ... එක ෆැන්ටා බෝතලේ විසිපහකට බෙදලා තනියම බීපු අපිට මාව අමතකයි...කිව්වා හරිද මන්දා ....

උඹේ කන් දෙකට මව පෙනුන් නැද්ද..... 

එතකොට ටමා මේකිගේ ලයිට් එක පත්තු උනේ....

ඊට පස්සේ ....

පුස් ඉන් බූට් වගේ ඇස් ලොකු වෙලා කන් පොඩි වෙලා අත දෙක ලං වෙලා .... අහිංසක පෙනුම ඇවිල්ලා..... අනේ මම දැක්කේ නෑ.. 

මේකී කියන බොරු.. අම්මපා...............

එතකොට ඉතින් වෙන්න ඕනේ ටික වෙලා ඉවරයිනේ ........................

ඉතුරු ටික පස්සේ 

Read more »