අන්ධයෙක් මම

සුවද අහුලන් පාට අමුණා..
ඇගිලි තුඩගින් රැවට ගළපන..
කුසුමදැයි නටුවට දොඩමළුව..... 
අචේලක සඳ උණුහමට පොදිබැද..  

ප්‍රගීයක පැටැළුණු පීන.. 
පවනට මුමුණා ලීන... 
ප්‍රාසයක තනිවූ හීන... 
විඳින් ආලය මලීන....

Read more »

මේ සමාජය මාව ඉබ්බෙක් කලා...

සල්ලි නැති කොමකට කොලු කොමට ඉදලා හිටලා ඉබ්බා දැම්මට දැන් ඉතිං ඉබ්බා දාන එක ඒ හැටි ගැලපෙන්නෙ නෑනෙ සමහරවිට... කකුල් දෙකටම කලිසං ගහලා ‍කොන්දොත් එක්ක හැප්පෙන එක ප්‍රොෆෙෂන් එකට එච්චර හරි මදි ගතියක් දැනෙනවා. අනික මොනවා උණත් වැරදි වැඩේනෙ....
ඒ උනාට උං එක්‍ක හැප්පෙන්නෙ නැතුව ඉන්න ගියාම උනුත් එන්නෙ අපිට නිකට පාන්න... ඒ අපේ හැදිච්චිකම... රුපියල් 9 ක 19 ක දුරක් ගියාම ඉතිරි රුපියලට අඩන්න ඕණේ... ලැජ්ජයි වගේ හිතුණට මන්නං ලොවෙත් අඩලා හරි ඉල්ලගෙනමයි බහින්නෙ... ඒ උණත් කොන්දා එහා කොනේ ඉන්න ‍වෙලාවට 'රුපියල් ටික එකතු කරලා ගෙයක්වත් හදා ගන්නැතෑ..' කියලා හිත හදා ගන්න බලනවා... මගෙ හිතට වැඩියෙන්ම දැනෙන්නෙ රුපියල නැතිවෙන අවුල ‍නෙමේ.. ආත්ම අභිමානය රුපියලට ගියා හා සමාන අවුලක්..

"මොකද්ද මේ රුපිලකට මැරෙන්න හදන්නේ... " ව‍ගේ බැල්මක් දාගෙන දෙනකොට ඒක ගන්න හිතෙන්නෙත් නෑ... සමහර විට ඕක කටිනුත් පිටවෙනවා....
"හැබැයි මාරු නෑ.... නෑ..."  ගාලා නළාව පිඹින මේ මිනිස්සු කරන ජඩ වැඩක් දැනගත්තා ළගදි, අතේ එකතුවෙන මාරු සල්ලි ඔක්කොම කඩේකට දීලා නෝට්ටු ඉල්ල ගන්නවා... එතන ඉදන් ආයෙමත් මිනිස්සුන්ට කෑ ගහනවා "මාරු සල්ලි දෙන්න..." කියලා

මම දැන් ගන්නෙ 19 ටිකට් එකක්.විස්සෙ කොළයක් දුන්නාම පොර පාඩුවෙ යනවා රුපියල ගැන වගක්වත් නෑ.... මාත් පාඩුවෙ යනවා රු 23කම දුරක්... මට රුපියල් තුනක් ලාබයි උට රුපියලක් ලාබයි උටත් පිට් මටත් පිට්..

පහුගිය දවසක මට ඇත්තටම 19 දුරක් යන්න ඕනේ උණා... දැන් ඉතිං රුපියල ලේසියෙන් අතඅරින්න පුළුවං කමක් නෑ... මම රුපියල් විස්සක් දීලා අත දික්කරගෙනම හිටියා... කොන්දා කීවා.. ,
"රුපියලක් පස්සෙ දෙන්නං.." කියලා... ඒත් මම බහින්න ලං වෙද්දී කොන්දා හිටියෙ අනික් දොර ගාව. බස් එකෙත් සෙනග... මනුසසයාට අමතක වෙන්න ඇති... මම බැහැලා ගියා කොන්දා ගාවට...

"මචං රුපිලක් ගන්න ති‍යෙනවා....!!" මම ෆ්‍රෙන්ඩ්ලි මූනක් දාගෙන කීවා
"ඈ....."
"රුපියලක්..., ඉතුරු...." මම පොඩ්ඩක් සද්දෙ වැඩි කරා..
"රුපියලක්ද හහ්... රුපියල් 4ක් දෙන්න..." කට කොණකට ඇදලා හිනාවෙලා ‍නෝණ්ඩියක් දාන ගමන් ඉල්ලුවා
"නෑ නේ..."
"රුපියලක් දෙන්න..."පොර කතා කරන්නේ ගොඩක් තරහින්...
"ඒත් නෑ...පහක් දෙන්නං මට හයක් දෙන්න..."
මොකෝ මම දැක්කා අ‍තේ දෙකේ කාසි ගොඩක් තියෙනවා...
"පහක් දීලා හරියනවද රුපියලක් ඉල්ලපුවාම.. හෙහ් මොලේ නැද්ද..."කටේ මාර සද්දයක් තියෙන්නෙ..

"හා හා දෙන මගුලකින් දෙන්ඩකෝ..." මටත් අහින්සක මලක් පැන්නා...
"රුපියලකට මැරෙන්ඩ හදන්නෙ, මාරු ගේන්ඩකෝ එනකොට.." 

මමත් ලැජ්ජා බිට් එකෙන් තියලා ඒ ටෝන් එකම ආරූඪ කර ගත්තා

"අයියා මේ ප*ක් කතා කරනවා.... මාරු ඉල්ලනවා විතරයි ඉතුරු දෙන්න වගක් නෑ..
මම ඔයාලටත් එක්ක හම්බ කරන්නෑ.. දෙන විදියකට මට රුපියලක් දෙන්ඩ..
‍මොකෝ අපි ගෙදර මාරු වදන්නයෑ... "

ඉතා සරලම විදියකට මටත් මල පනින බව පෙන්නුවා...

'"ආපෝ ආ ආහ්... රෙද්ද..."  කියලා මගේ පැත්තට කාසියක් විසි කරා.. 

‍ඔය හම්බුනේ රුපියලට දෙකක්ම... මට මාර පිට් එකක් ආවේ...
කොන්දාගෙන් ගේම ඉල්ලලා රුපියලක් ගන්න එකේ මාර ආතල් එකක් තියෙනවා කියලා මං එදා තේරුම් ගත්තා.. හැබැයි ඔය ‍සෙල්ලම හැමදාම කරන්න ගියොත් කන්න වෙන බවත් දන්න හින්දා මම ආයිමත්
පුලු පුලුවං වෙලාවට ඉබ්බා වඩම්මන්න තීරණය කලා... කාටත් සෞක්‍යයාරක්ෂිතයි නේ...!!

Read more »

ඇමතියාගෙ බේකරියට ගිය අන්තිම දා....

ඒලෙවල් කිට්ටු වෙද්දි ගෙදර පාඩම් කරනවට වඩා සෙට් වෙලා පාඩම් කරන එකේ ගතියක් තියෙනවලු.. අපි පොත් ටික අරන් බොහෝ දුරට යන්නෙ පිපියාගෙ ගෙදර... මොකෝ එහෙ කවුරුත් නෑ දවල්ට..
 අපි පීපියාගේ ගෙදර එනවට ඌ වැඩිය කැමති නෑ.... අපි ආපුවාම ඌට වැඩකරන්න අමාරු කමටද ඌ කෑල්ලත් එක්ක මල් කඩන ඒවා අපි අනිත් ටැලිපෝන් එකෙන් අහන් හිටපු හින්දද මන්දා.... 

 සුදුමල්ලියාත් එහෙට සෙටමොල් උණාම එක්කෝ නාන්න බුබුලට යන්වා නැත්තං ඇමතිලාගෙ ගෙදර යනවා බනිස් කන්න.. ඕන්න ඉතිං පාඩම් කිරිල්ල...... උගෙ ඇත්ත නම ගයාන් උන්ට බේකරියක් තිබ්බා.. උන්ගෙ අයියා තමයි ඒක ගොඩක් දුරට රන් කරන්නෙ... 
"අංකල් ගයාන් ඉන්නවද....?" 
කියාගෙන ගෙට ගිහින් අනිත් පැත්තට බේකරියට පැනලා නම්වත් දන්නෙ නැති එක එක හැඩේට තියෙන ඒවා විනාස කරලා ගිලලා දාලා එන එකත් සිරිතක්... 'අඩේ' කියලා පොඩි සුන්ඩල් එකක් තියෙනවා ඒක තමයි අපේ පියතම එක..... කාලා කාලා හණු ඇදුම් කාලා එකට ඇලෙන සයිස් එනකොට අපි පිටත් වෙනවා තේ එකකුත් ඉල්ලගෙන බීලා..... ගයානයාටනම් අපි ගැන 3 හිතකවත් කහටක් නැතුව ඇති හැබැයි ගෙවල් වල උන්ටනම් අපි මළ ඇණයක් කියලා ෂුවර්... විශේෂයෙන් ගයානයාගේ අයියට අපි දැක්කාම හික් ගැවෙන ගතියක් තිබ්බා... !

මෙ කාලකන්නි දවසෙ උදේත්, පාන්දර නැගිටලා සුපුරුදු පරිදි ඇඳ ඇතුලට කොස්ස දාලා සරම එළියට ගත්තා. ඒක නවලා බිත්තියට හේත්තු කරලා කලිසමකට බැහැලා කබ කඩ කඩාම ලොකයාගෙ ගෙදර යනකොට ඌ ඉන්නවා මගේ තේ එකත් අතේ තියා ගෙනම...  උන්ගේ තාත්තා මන්දිහා බලලා බිම බලා ගත්තා... උදේ පාන්දර දැක්ක හින්දා මළපැනලා වෙන්ඩ ඇති... අක්කනං මාව දැක්ක ගමන් හිනාවෙනවා... මං හිතන්නෙ උංගේ ගේ ඉස්සරහින් අක්කා බලන් ඉද්දිම පොලිස්කාරයෙක් කණෙන් ඇ‍දගෙන ගිය සීන් එක මතක් වෙනවා ඇති....කොහොමහරි ඌවත් ඇදගෙන රාජකාරිවලට පිටත් උණා...

අද අපි කොහෙටද යන්නෙ කියලා නිමිති බලලා තීරණය උනේ ඇමතියාගේ ගෙදර යන්න... ඇත්තම කියනවනං බනිස් කන්න යන්න... පුටාර් ටික පස්ස පැත්තෙ ගහගෙන අපි පෑගුවා ඇමති නිවසට.... කිලෝ 10ක් විතර පාගලා ගමනාන්තයට ළගා උණා අපි ඈතින් එනකොටම ඇමතියගෙ  අයියා ඉස්සරහට පැනලා කෑ ගහන්න ගත්තා...

මල්ලී අද ගයාන් ගෙදර නෑ බේකරියත් වහලා....

එදා තමා අපි අවසන් වරට අඩ වල සුවද බැලුවෙ....

Read more »

කෙල්ල තරහ වෙලා

මචන් ටුවර් එකේ මොනවද ගහන්නේ. දවස් හතම බොන්න ඕනනේ ගල් තමා ඉතින්......

ඊට කලින් තිබ්බ ගොයින් ඩවුන් එකට ගහල වයර් වෙච්ච පාර තාම බඩු. ටයි එක දාපු එක හොඳට ගියා කබරයා පාර තව පොඩ්ඩෙන් ෂර්ට් එකේ තමා පිහින්න වෙන්නේ අල්ලන් හිටපු එකාගේ. බීල නටන වෙලාවේ කෙල්ලගෙන් ආපු කෝල් එක කට් වෙලා තියෙන්නේ "මේ වෙලාවේ මම කාර්ය බහුලයි මම පස්සේ කෝල් කරන්නම් කියලා. රෑ දොළහට විතර කාර්ය බහුල උනේ , අන්දරෝයිඩ් තාක්ෂණයට පින්සිද්ද වෙන්න සාක්කුවේ තියෙද්දීම බඩු ටච් වෙලා.. වෙරි මර ගාතේ කෝල් එක එනවා දැනුන් නෑ මසාජ් එක එනවා දැනිලා අරන් බලපුවාම.. බීල ඉන්න වෙලාවේ කරදර කලට සමා වෙන්නලු.. බඩු පිටම ආපහු කෝල් එක ගත්තේ බීල ඉන්න වෙලාවේම බැනුම් ටික අහල ඉවර කොර ගන්න. ඉතින් සුදු මම හැමදාම බොන්නේ නෑනේ මේ අයියගේ වෙඩිමේ බිව්ව පාර අද තමා බිව්වේ. බොරු කියන්න එපා අනේ ..

**^%%%^&^ ^%%^$$ &$#$# 

මට දැන් ඇතිවෙලා  *&&&^^ $## 

මට එපා වෙලා %%%% ** 

මොකද්ද අනේ ###  

බීල මදිවට තව බොරුත් කියනවා ....&&&&

එදා මට කිව්වේ වෙඩිමේදී බිව්වේ නෑ කියලා....එදත් බීලා වෙඩිම තිබිල මාස තුනක්වත් නෑ ආපහු බීලා.....

කාටද ඉතින් ඕවා මතක තියෙන්නේ ... දැන් ඉතින් මොනවා කරන්නද... ඕන එකක් දෙකයි පනහයි කියලා ජන්ගමේ පැත්තක තියලා ස්පීකර් දාල බැනුම් අහනවා.. ඔයා අහගෙනද ඉන්නේ .... ඔව් ඔව් මම අහගෙන ඉන්නේ... දන්නවද හෙට කවද්ද කියලා.... 

ඔව් හෙට සෙනසුරාදානේ.... දඩස් ගාල ජන්ගමේ තිබ්බ පාරට වෙරිත් බැස්ස .

ආයමත්  කෝල් කලාට වැඩක් නෑ කියලා අත් දැකීමෙන් දන්නා නිසා තව පොඩ්ඩක් බීලා හෙට කවද්ද කියලා කල්පනා කරන ගමන් බාත් රූම් එකේ ඉදගෙන නින්ද ගිහිල්ල තිබ්බ කියලා යාලුවෝ කියනවා මට මතකයි ... 

කොහොමහරි නැගිටිනකොට උදේ පාන්දර දහය හමාර විතර වෙලා ටවල් එක විතරයි ඇඟේ තියෙන්නේ.. අල්මාරියේ යතුර කොට්ටේ යට තිබුනා.. ඒක අරන් අල්මාරිය ඇරපුවාම ජන්ගමේ, වොලට්ටුව,ඔරලෝසුව ඉතා පරිස්සමට ගලවා දමා ඇති අකාරයෙන් වැඩිය වෙරි වෙලා නෑ කියලා හිතන් හිටියට .. පස්සේ ආරංචි උන පරිදි  ඒ ඔක්කොම ගලවා විසික්කා දමා තිබියදී,,  එකතු කරගන්නා ලද ඒවා බව කව්ද මන්දා කිව්වා. කොහොම හරි වයිෆා ශේප්මෙන්ට් එකක් දාගන්න කෝල් එකක් ගත්ත ගමන් ඇහුවා අද කවද්ද .. සෙනසුරාදා ... දඩාස් ,...

ඇයි යකෝ.... අද උපන් දිනේ වත්ද කියලා කල්පනා කලාට මොකුත්ම කුඩා මොලේට ආවේ නෑ.. කෝකටත් කියලා ළඟ පාත ඉන්න යාලුවටත් සීන් ඒක කියලා... මමත් දැන් කල්පනා ලොව මල් වගේ ඉන්නවා. උඹලගේ ඇනිවසරිය වත් ද ..... යට ඉන්න එකා කෑ ගහද්දි මට මීටර් උනා සීන් එක... කෝල් එකක් අරන්  " මගේ සුදු අදට ## අපි යාළුවෙලා  && අවරුදු ** .... " ඇති යන්තම් මතක් උනා.. අද අනිවෙරසරි හින්දා සමාව දෙනවා  කියලා යන්තම් ශේප් කරන් පැයක් විතර ආදර මල් වනේ ඉන්න කොට එකෙක් ඇවිල්ලා ඒයි උඹේ සාකුවේ තිබ්බ සුදු පාට එව්ව පෙට්ටිය කෝ කියලා අහපු  වෙලේ ඉදන් අද වෙනකන් මාත් එක්ක කතා කරන් නෑ...

දැන් දවස් හතරයි 

මැසේජ් එකක් එවල තිබුනා අන්තිම දුක්ක දායකයි... එකේ තිබුන විදියට ආයම කතා කරන් නැල්ලු.. බෝඩිමේ යාලුවට කෝල් එකක් අරන් එහෙන් මෙහෙන් විස්තර ටිකක් හොයල බලනවා ඇරෙන්න වෙන කරන්න දේකුත් නෑ.. කියන විදියට නම් බොහොම දරුණුයි.. නැන්දම්මටත් කියලද කොහෙද .. කතා කරන කන් පාළුව දැනෙන්නේ නෑ.. තරහ උනාම හිතා ගන්නත් බෑ. දැන් ඉතින් මොනව කරන්නද තව සති දෙකකින් ටුවර් ඒක යනවා එටකොටත් බැනුම් අහනවට වඩා හොන්දයි ගිහින් ඇවිත්ම බැනුම් අහන ඒක..

නරකම දේ තමා කෙල්ලගෙන් බැනුම් අහන ඒක .. එකත් හරි ෆන් ..

තරහ  වුනා කියලා දාල යන්න බෑනේ.. වෙන කෙල්ලෙක් හොයා ගන්නත් බෑනේ ඔන්න ඕක තමා වෙන්නේ ඉතින් බොක්කෙන් ලවක් කලාම.. ඉන්නකන් හිටියනම් අපිට මොකෝ ලොකු මහත්තයා කියලා ඉන්න තිබ්බා. ගෙදරට කියලා ගමම දන්න දරුවෙක් සෙට් වෙච්ච් එවුන් දන්නවා ඕකේ ආතල් ඒක.. ඊටත් වඩා අයියා හොඳම යාළුවා උනාම ?... 

පාන් නැත්තම් ගල් බනිස් කියලා මොකද කරන්නේ කියලා කල්පනා කරනකොට මතක් වෙනවා එන සඳුදා සෙමෙස්ටර් එන්ඩ් ඒක කියලා පාඩමක් පොතක් බලන්න බැරි හින්දා.. මනෝ පාරක් දාලා කල්පනා කරා හැකර් කෙනෙක් වෙලා සර්ලගෙ ඉලෙක්ට්‍රොනික තැපෑල හැක් කරලා බැජ් ටොප් වෙන විදිය.. 

මම කියන්නේ කොල්ලෙක් පොඩ්ඩක් බීවට මොකුත් වෙන්නේ නෑනේ.. මේ කෙල්ල හිතන් ඉන්නේ අරක්කු බෝතලයක් මිනිහෙක් තනියම සතියකින් හරි අවරුද්දකින් හරි බීලා ඉවර කලොත් උට සිරෝසිස් හැදිලා ස්වර්ගස්ථ වෙනවා කියලා..

ඒ මදිවට අපේ මොකෙක් හරි ගස් වඳුරෙක් ටික කාලෙකට කලින් එස් එමක් කොටලා ආතල් එකක් අරන් තිබ්බා මම සිගරට් හතරක් සතියකට  බොනවලු. එකටත් හෙන කෙස් එකක් ගිහින් යන්තම් ශේප් කරගත්තේ හෙන ගේමක් ගහලා. තාම හිතාගෙන ඉන්නේ කොල්ලෝ කාලේ සිගරට් එකක් හතර දෙනෙක් විතර බීලා .. ක්‍රමයෙන් බේබද්දෙක් බවට පත් වෙලා වයසට ගියාම එකක් තනියම බොන්න පුළුවන් කියලා.. එකක් තනියම බොන කොල්ලෝ ඉන්නේ ගංජා ගහන කොල්ලෝ ගැන කෙල්ලන්ට තියන තැනේ....

අනේ මන්දා මම ඔවා තේරුම් කරන්න ගියා නම් මම මුළු සාමජේම ඉන්න බේබද්දනේගේ සුදු හුණු ගෑවා වගේ වෙනවා ඒක නිසා මාපට ඇඟිල්ල කටේ දැන් මම බබා වගේ නිකන් හිටියා,..

මොනවා උනත් හිත අප්සට් හින්දා අදත් පාඩම් කරන්න නම් බෑ .. අදත් ගිහින් බුදිය ගන්නවා...  ඉන්ටර්නෙට් ගිහින් මම බ්ලොග් එකක් කරනවා කියලා දන ගත්ත දවසක නම් අනිවාර්යෙන්ම දාල ගිහින් පස්ස හැරිලා ගලකිනුත් ගහලා තමා යන්නේ ඇයි ඉතින් මේකට සීමා නෑ නේ අපි ගියා.. උඹලා එහෙම බීලා නරක ළමයි වෙන්න එපා මන් වගේ .. නරකය නම් බොන්නේ නෑ මගේ හිතේ.... සිගරට් එකක් කකුලේවත් තියල නැද්ද කොහෙද  

මට බුදු සරණයි 

Read more »

ජාතික.........මොකුත් නෑ

මම මේ කියන්න යන්නේ. නොකිව යුතු දෙයක් එත් මේ  වගේ දේවල් දැක්කම කට වහන් ඉන්න පුරුද්ද ඉස්සර ඉදන් මට නෑ... මේ ලඟදි රටේ වටිනා  පුද්ගලයෙක් විශ්‍රාම ගියා .. යනවත් එක්කම එය පටන් ගත්ත ගොඩක් දේවල් වල රිබන් එක කපාගෙන නම බෝර්ඩ් එකට දා ගෙන තමා ගියේ. අපිටත් අහම්බෙන් වගේ ඕක හදන්න දවස් දෙකකට කලින් විතර ඔතන්ට යන්න සෙට් උනා. යනකොට නම් කිසිම දෙයක් හදල ඉවර කරලා නම් තිබුනේ නෑ.. තනිකර කොන්ක්‍රීට් ගොඩක් විතරයි තිබුනේ.. 

දෙවැනි දවසේ යනකොට හිතාගන්න බැරි විදියට වැඩ ඉවර වෙලා.. දවස් දෙකෙන් හයි වෙන කොන්ක්‍රීට් දැක්කේ ඉස්සල්ලම එදා තාමා. උදේ  බැන්ද බිත්තිය දවල් කපරාදු කරනවා. හවස තීන්ත ගානවා හවස අල්ලපු ටයිල් කැටේ  උඩ රෑ ඇවිදිනවා.. මිනිස්සුන්ට හරක්ට වගේ බනිනවා, උන් ඉතින් කොහොම උනත් එකනෙ කියල දවසම පොඩි කෑල්ලක් අල්ලාගෙන බුල ගහනවා වැස්සට හේදිලා යනවා.. තීන්ත පින්සලෙන් ගාල ලස්සනට හදල තියන බිත්ති කැත කරනවා..  අලුත්ම වටිනා බඩු විසික්කලා තමන්ගේ ඇග බේරගන්න එකට පොර කනවා ..

මේ ඔක්කොම අහිංසක මිනිස්සුන්ගේ සල්ලි,, කිරි පිටි පැකට් එකෙන්... අරක්කු කාලෙන් සිගරට් එකෙන් එකතු කරන සල්ලි වලින් නේද මෙහෙම නාස්තියක් විනාසයක් වෙන්නේ කියල හිතෙනකොට ආයම මතක් වෙනවා මේ ලංකාව නේද කියලා  ..

ආදාල නායකයා එනකොට ලෑස්ති කරන්න ඕනේ නිසා විසාල අමතර වියදමක් කරලා කෑලි එහෙන් මෙහෙන් එල්ලලා වැඩේ කරා මමත් බලන් හිටියා ලස්සනට ඇවිල්ල ෆොටෝ ගහලා බෑන්ඩ් ගහලා පාර්ටි දාල වැඩ අවසන් නොකරපු ගොඩක් ඒවා විවුර්ත කරලා නම් ගියා.. මට තියෙන්නේ ප්‍රශ්න දෙකයි 

1-ගොඩ නැගිල්ලක් ස්මාරකයක් විවුර්ත කරනවා කියන්නේ මොකද්ද ?

2-කවද හරි හදල ඉවර කරපු දවසක විවුර්ත කරා නම් මොකද වෙන්නේ.. නම වැටුනේ නැ කියලා රෑට නින්ද යන්නේ නැද්ද...?

වැඩි විස්තර බල ගන්න පුළුවන් මහබාගේ අලුතෙන් හදපු ඉස්මරකේ ඇතුළු අනෙකුත් දේවල් ගැන හොයල බැලුවනම් ,,,

බලාගෙන අඩිය තියන්නේ දවස් දෙකෙන් තුනෙන් කිසිම කෙමිකල් එකක් දන්නේ නැතිව හදපු දේවල් තියෙන්නේ.. කඩාගෙන බහින්න පුළුවන් .....

කරපු දේ සීයට සීයක් හොදයි කරපු විදිය සම්පූර්නෙන්ම වැරදි ... මිනිස්සුන්ගෙන් වැඩ ගත්ත විදිය .... කියන්න ලැජ්ජයි ... වෙන මොනවත් කියන්න අදහස තිබුනත් වෙලාව මේක නෙමේ ... 

පිස්සොත් එක්ක ජිල් ගහපුවම මැක්කොත් එක්ක පන්සල් යන්න වෙනවා කියන්නේ මේ වගේ වැඩ වලට තාමා....  

Read more »

ප‍්‍රථම පේ‍්‍රමයෙ මතක සටහන....

ප‍්‍රියන්තිකා කියන්නෙ ටකරමක්...!! ටුටුවගේ අක්කා වගේ... 
ටුටුවා මරිවැඩ කරොත් කරන්නෙ ප‍්‍රියාට.. කරන්නෙ නන්දයත් එක්ක...

පන්තියෙ අන්තිම පේළියේ එක පැත්තක කොනක ඉන්නෙ නිර්මාල්... ඊටපස්සෙ ටුටුවා... ඊට පස්සෙ නන්දයා... නිර්මාලයා ලොවෙත් සත්‍යය පේ‍්‍රම බෘංග රාජයා.. ඌ කෙල්ලෙක්ව දාගෙන හිටියා 11 වසරෙ.. මුං දෙන්නගේ පට්ට ලවු එකක් තිබ්බෙ.. 
දවසක් මායි ලෝකයායි බූරූ ගගහා හිටපු වෙලාවක මර ලතොනි සද්දයක් එනවට බලද්දි ප‍්‍රියන්තිකා බෙරිහං දෙනවා... 
අර හයේ හතරෙ නන්දයා මුරුංගා කරල වගේ ඉන්න ප‍්‍රියාගෙ බෙල්ලෙං අල්ල ගෙන, ටුටුවා කොණ්ඩෙං අදිනවා... ඒ අස්සෙ පීපියා මුංදෙන්නට ගහනවා... ඔකිට මොනවා හරි කරදරයක් වෙනවනං ලොකයාට පට්ට ආතල් එකක් යන්නෙ... පීපියා කියන එකාගේ පොඩි සිගිරිබිරිස් එකක් තිබ්බා ප‍්‍රියා ගැන... 
මාෂල් ආර්ට් ප‍්‍රගුණ කරලා හිටියේ ඌ... අර මහාකලු සිංහලයා වගේ නන්දයාට තඩිබානවා ඌට ගාණක්වත් නෑ...මේ කලබලේ මොකක්ද කියලා බලන්න අපිත් එහෙට යද්දිම ටුටුවා කෙස් ගුලියකුත් කඩාගෙන යන්න ගියා.. ලොකයාත් ගිහින් කොණ්ඩෙන් අදින්න ලෑස්ති.... මං ඌවත් ඇදගෙන ටුටුවා ගාවට ගියා... 

"මොකෝ බං... නෑ බං කෙස්ගහක් ඉල්ලගත්තා..." 
"යකෝ ඒ ඉල්ලුවාද.....? මොකටද...??".
ඌ ඉස්සරහ දත් දෙක පෙන්නලා හිනා වෙලා පොලිතින් කවරෙකට කෙස් ගහක් දැම්මා.... ඊටපස්සෙ කවරෙ පර්ස් එකකට එබුවා... පර්ස් එක නිර්මාලයාගේ ඩෙස් එකේ ලාච්චුවට දාලා මුං දෙන්නා පාඩුවෙ ඉන්නවා... කුතුහලේ වැඩිකමට අපි සීන් එක් බලං ඉද්දි නිර්මාලයා පන්තියට ආවා... 
"පර්ස් එක අමතක වෙලා ගියා බං..." කියා ගෙන... 
පොර ඒක ගත්තු ගමන් කොණකට ගිහිල්ලා පර්ස් එකෙන් අර කොණ්ඩ ගහ අරගෙන ඉඹලා අයෙම සාක්කුවේ දාගත්තා.... 
ලොකයාට ඔක්කාරෙටත් අවා... නිදං හිටිය බේලියාට පයිං එකක් ගහලා බොහොම අමාරුවෙන් ඒක නවත්ත ගත්තෙ....

ආරංචි විදියට නිර්මාලයාගේ පර්ස් එකේ උගෙ කෙල්ලගේ කොණ්ඩගහක් තියාගෙන ඉඳලා... සැරින් සැරේ අරගෙන ඉඹිනවලු...
"ෆස්ට් ලවු එකනෙ මචං....!"
කියලා ආයෙම දා ගන්නවලු... මුං දෙන්නා ඒක ප‍්‍රියා ගෙ කොණඩ ගහකට මාරු කරලා... මූ ඉතිං ප‍්‍රියාගෙ කොණ්ඩ ගහ ඉඹ ඉඹ හිටියා අපි ඉස්කොලෙන් අයින් වෙනකල්ම.... ළගදි ටුටුවට නිර්මාලයා හම්බෙලා.... විස්තර කතා කරලා කාරිය ලව් එක ගැනත් අහලා... 

"දැන්නං ඒ ලවු එක නෑ මචං හැබැයි කොණ්ඩ ගහනං තාමත් මංගාව තියෙනවා... ඒකි මතක් වෙන්න ඒකිගෙ කියලා මෙච්චරයි තියෙන්නෙ.... ෆස්ට් ලවු එකනෙ මචං...."

කීවලු.... මූ තාමත් ඉඹින්නෙ ප‍්‍රියාගෙ කොණ්ඩ ගහ... ප‍්‍රියා වත් ඌවත් සීන් එක දන්නෙ නෑ... ප‍්‍රියාටනං මම මේක පෙන්නනවා... 

කතාව සහ සියළු නම්ගම් සත්‍යයි... 

Read more »