ඩොටේ....!!

"උඹ කොහෙද මචං..."
"හතලිස් අටේ....!!"
"ඒක ඉලක්කමක්නෙ ඕයි.."
"එක තමා ගමේ නම .."
"ඒක කොහෙද තියෙන්නෙ.....?"
"උණගලාව පංසල පහු කරං යන්ඩ ඕනෙ.."
"බට දෙක දිහා...?"
"තව එහා…"
"හෙන ඩොටේනෙ බං..."

ඔය කොහෙදි හරි කොහෙද ඉන්නෙ කියලා කියන්ඩ ගියාම මට අන්තිමට අහගන්ඩ වෙන එක තමා ඔය… මට එච්චර ඕක තේරුණේ නෑ….

අපේ පැත්තෙ සරු කඩමණ්ඩියකටනං ඉතිං ජෑවික්රම හංදියට යන්න ඕනේ… රීලෝඩ් එකක් දාගන්න.. කොණ්ඩෙ කපාගන්න පොඩි වලක් බහින්න උණත් ඒට තමා….. 
යන එකනං හරි එන එක තමා...

"අඩෝ යනගමන් අපේ ගෙදර යමං බත් එකක් බැඳලා දෙන්නං, ඩොටේ යන්ඩත් එපෑ .."

අහලම පුරුදුවෙලා ඒ විහිලුවට එච්චර හිනා ගියෙත් නෑ.

තව ටිකක් දුර ගිහින් ගෙවල් කොහෙද ඇහුවොත් මම කිවුවෙ 
"අහවල් බස්එකේ අතනින් බැහැලා එතන ඉඳං තව ටිකක් යන්න ඕනෙ.. 6ｋｍවිතර "
"හප්පා ඩොටේ නෙහ්… "

තවත් ටිකක් දුර ගියාම ප්රාදේශිය කෑලි හලනවා.. මොකෝ අනිකා දන්න නමක් කියන්න එපෑ එක දන්නවනං බැරියැ ඉතුරු ටික කියන්න…. 

"උඹ කොහෙද මචං ?"
"පොළොන්නරුවෙ "
"මොකෝ බං ඩොටේ ගෙවල් හැදුවෙ.. "
"ඒක තමයි…. අම්මයෙන් ආලා කියන්නං" ඒ මං හිතන කෑල්ල.

ඇත්තටම සිංහල භාෂාවට හෙන සංකීර්ණයි කොහෙං එකතු වෙච්ච වචනද මන්දා
කොහොම උණත් ඩොටේ කියන්නෙ සාපේක්ෂව දුෂ්කර පැත්තකට කියලා මං මගේ කුඩා මොලේට කියුවා.
කොළඹ ඉන්න කාලෙ උණත් ඔය වචනෙ එච්චරම අරුම එකක් නෙවෙ… 

"උඹ කොහෙ මචං?"
"කොල්ලුපිටියෙ..."
"ආං එහෙමෙයි…. ගෙවල්..?"
"ගෙවල් ෆොලෙන්නරුවෙ… " ඊ්ළගට අරූගෙ දත් විල්ලෙං එලියට එන වචනෙ දන්න නිසා මංම කියා ගන්නවා
"ටිකක් ඩොටෙ.."
"ට්කක්යෑ... මාරම ඩොටේ නෙ…" ඌ තාලෙට කියනවා 

හැබැයි ඔය වචනෙ ඇත්තටම තේරුණේ මේ ළගඳි 

"ඔයා කොහෙද...?"
"ලංකාවෙ .."
"ඒක කොහෙද තියෙන්නෙ "
මම ගූග්ල් සිතියම අවප්රමාණ කරලා ලංකාව තියෙන පැත්ත කරකලා අරං පෙන්නුවා 
"මේන්…. "
"හා…. ඩොට් එකක් වගේ එක...?"
මං දැනගත්තා ගූග්ල් මැප් එකෙන් බලද්දි ඩොට් එකක් වගේ පේන පැත්තකට කියන්නෙ ඩොටේ කියලා…
එහෙම බලපුවාම මං ලොවෙත් ඩොටේ ඉඳලා තියෙන්නෙ... අර්ථදැක්විය නොහැකි ලෙස ඩොටේ ... 

Read more »

මේ සමාජය මාව ඉබ්බෙක් කලා...

සල්ලි නැති කොමකට කොලු කොමට ඉදලා හිටලා ඉබ්බා දැම්මට දැන් ඉතිං ඉබ්බා දාන එක ඒ හැටි ගැලපෙන්නෙ නෑනෙ සමහරවිට... කකුල් දෙකටම කලිසං ගහලා ‍කොන්දොත් එක්ක හැප්පෙන එක ප්‍රොෆෙෂන් එකට එච්චර හරි මදි ගතියක් දැනෙනවා. අනික මොනවා උණත් වැරදි වැඩේනෙ....
ඒ උනාට උං එක්‍ක හැප්පෙන්නෙ නැතුව ඉන්න ගියාම උනුත් එන්නෙ අපිට නිකට පාන්න... ඒ අපේ හැදිච්චිකම... රුපියල් 9 ක 19 ක දුරක් ගියාම ඉතිරි රුපියලට අඩන්න ඕණේ... ලැජ්ජයි වගේ හිතුණට මන්නං ලොවෙත් අඩලා හරි ඉල්ලගෙනමයි බහින්නෙ... ඒ උණත් කොන්දා එහා කොනේ ඉන්න ‍වෙලාවට 'රුපියල් ටික එකතු කරලා ගෙයක්වත් හදා ගන්නැතෑ..' කියලා හිත හදා ගන්න බලනවා... මගෙ හිතට වැඩියෙන්ම දැනෙන්නෙ රුපියල නැතිවෙන අවුල ‍නෙමේ.. ආත්ම අභිමානය රුපියලට ගියා හා සමාන අවුලක්..

"මොකද්ද මේ රුපිලකට මැරෙන්න හදන්නේ... " ව‍ගේ බැල්මක් දාගෙන දෙනකොට ඒක ගන්න හිතෙන්නෙත් නෑ... සමහර විට ඕක කටිනුත් පිටවෙනවා....
"හැබැයි මාරු නෑ.... නෑ..."  ගාලා නළාව පිඹින මේ මිනිස්සු කරන ජඩ වැඩක් දැනගත්තා ළගදි, අතේ එකතුවෙන මාරු සල්ලි ඔක්කොම කඩේකට දීලා නෝට්ටු ඉල්ල ගන්නවා... එතන ඉදන් ආයෙමත් මිනිස්සුන්ට කෑ ගහනවා "මාරු සල්ලි දෙන්න..." කියලා

මම දැන් ගන්නෙ 19 ටිකට් එකක්.විස්සෙ කොළයක් දුන්නාම පොර පාඩුවෙ යනවා රුපියල ගැන වගක්වත් නෑ.... මාත් පාඩුවෙ යනවා රු 23කම දුරක්... මට රුපියල් තුනක් ලාබයි උට රුපියලක් ලාබයි උටත් පිට් මටත් පිට්..

පහුගිය දවසක මට ඇත්තටම 19 දුරක් යන්න ඕනේ උණා... දැන් ඉතිං රුපියල ලේසියෙන් අතඅරින්න පුළුවං කමක් නෑ... මම රුපියල් විස්සක් දීලා අත දික්කරගෙනම හිටියා... කොන්දා කීවා.. ,
"රුපියලක් පස්සෙ දෙන්නං.." කියලා... ඒත් මම බහින්න ලං වෙද්දී කොන්දා හිටියෙ අනික් දොර ගාව. බස් එකෙත් සෙනග... මනුසසයාට අමතක වෙන්න ඇති... මම බැහැලා ගියා කොන්දා ගාවට...

"මචං රුපිලක් ගන්න ති‍යෙනවා....!!" මම ෆ්‍රෙන්ඩ්ලි මූනක් දාගෙන කීවා
"ඈ....."
"රුපියලක්..., ඉතුරු...." මම පොඩ්ඩක් සද්දෙ වැඩි කරා..
"රුපියලක්ද හහ්... රුපියල් 4ක් දෙන්න..." කට කොණකට ඇදලා හිනාවෙලා ‍නෝණ්ඩියක් දාන ගමන් ඉල්ලුවා
"නෑ නේ..."
"රුපියලක් දෙන්න..."පොර කතා කරන්නේ ගොඩක් තරහින්...
"ඒත් නෑ...පහක් දෙන්නං මට හයක් දෙන්න..."
මොකෝ මම දැක්කා අ‍තේ දෙකේ කාසි ගොඩක් තියෙනවා...
"පහක් දීලා හරියනවද රුපියලක් ඉල්ලපුවාම.. හෙහ් මොලේ නැද්ද..."කටේ මාර සද්දයක් තියෙන්නෙ..

"හා හා දෙන මගුලකින් දෙන්ඩකෝ..." මටත් අහින්සක මලක් පැන්නා...
"රුපියලකට මැරෙන්ඩ හදන්නෙ, මාරු ගේන්ඩකෝ එනකොට.." 

මමත් ලැජ්ජා බිට් එකෙන් තියලා ඒ ටෝන් එකම ආරූඪ කර ගත්තා

"අයියා මේ ප*ක් කතා කරනවා.... මාරු ඉල්ලනවා විතරයි ඉතුරු දෙන්න වගක් නෑ..
මම ඔයාලටත් එක්ක හම්බ කරන්නෑ.. දෙන විදියකට මට රුපියලක් දෙන්ඩ..
‍මොකෝ අපි ගෙදර මාරු වදන්නයෑ... "

ඉතා සරලම විදියකට මටත් මල පනින බව පෙන්නුවා...

'"ආපෝ ආ ආහ්... රෙද්ද..."  කියලා මගේ පැත්තට කාසියක් විසි කරා.. 

‍ඔය හම්බුනේ රුපියලට දෙකක්ම... මට මාර පිට් එකක් ආවේ...
කොන්දාගෙන් ගේම ඉල්ලලා රුපියලක් ගන්න එකේ මාර ආතල් එකක් තියෙනවා කියලා මං එදා තේරුම් ගත්තා.. හැබැයි ඔය ‍සෙල්ලම හැමදාම කරන්න ගියොත් කන්න වෙන බවත් දන්න හින්දා මම ආයිමත්
පුලු පුලුවං වෙලාවට ඉබ්බා වඩම්මන්න තීරණය කලා... කාටත් සෞක්‍යයාරක්ෂිතයි නේ...!!

Read more »

ඇමතියාගෙ බේකරියට ගිය අන්තිම දා....

ඒලෙවල් කිට්ටු වෙද්දි ගෙදර පාඩම් කරනවට වඩා සෙට් වෙලා පාඩම් කරන එකේ ගතියක් තියෙනවලු.. අපි පොත් ටික අරන් බොහෝ දුරට යන්නෙ පිපියාගෙ ගෙදර... මොකෝ එහෙ කවුරුත් නෑ දවල්ට..
 අපි පීපියාගේ ගෙදර එනවට ඌ වැඩිය කැමති නෑ.... අපි ආපුවාම ඌට වැඩකරන්න අමාරු කමටද ඌ කෑල්ලත් එක්ක මල් කඩන ඒවා අපි අනිත් ටැලිපෝන් එකෙන් අහන් හිටපු හින්දද මන්දා.... 

 සුදුමල්ලියාත් එහෙට සෙටමොල් උණාම එක්කෝ නාන්න බුබුලට යන්වා නැත්තං ඇමතිලාගෙ ගෙදර යනවා බනිස් කන්න.. ඕන්න ඉතිං පාඩම් කිරිල්ල...... උගෙ ඇත්ත නම ගයාන් උන්ට බේකරියක් තිබ්බා.. උන්ගෙ අයියා තමයි ඒක ගොඩක් දුරට රන් කරන්නෙ... 
"අංකල් ගයාන් ඉන්නවද....?" 
කියාගෙන ගෙට ගිහින් අනිත් පැත්තට බේකරියට පැනලා නම්වත් දන්නෙ නැති එක එක හැඩේට තියෙන ඒවා විනාස කරලා ගිලලා දාලා එන එකත් සිරිතක්... 'අඩේ' කියලා පොඩි සුන්ඩල් එකක් තියෙනවා ඒක තමයි අපේ පියතම එක..... කාලා කාලා හණු ඇදුම් කාලා එකට ඇලෙන සයිස් එනකොට අපි පිටත් වෙනවා තේ එකකුත් ඉල්ලගෙන බීලා..... ගයානයාටනම් අපි ගැන 3 හිතකවත් කහටක් නැතුව ඇති හැබැයි ගෙවල් වල උන්ටනම් අපි මළ ඇණයක් කියලා ෂුවර්... විශේෂයෙන් ගයානයාගේ අයියට අපි දැක්කාම හික් ගැවෙන ගතියක් තිබ්බා... !

මෙ කාලකන්නි දවසෙ උදේත්, පාන්දර නැගිටලා සුපුරුදු පරිදි ඇඳ ඇතුලට කොස්ස දාලා සරම එළියට ගත්තා. ඒක නවලා බිත්තියට හේත්තු කරලා කලිසමකට බැහැලා කබ කඩ කඩාම ලොකයාගෙ ගෙදර යනකොට ඌ ඉන්නවා මගේ තේ එකත් අතේ තියා ගෙනම...  උන්ගේ තාත්තා මන්දිහා බලලා බිම බලා ගත්තා... උදේ පාන්දර දැක්ක හින්දා මළපැනලා වෙන්ඩ ඇති... අක්කනං මාව දැක්ක ගමන් හිනාවෙනවා... මං හිතන්නෙ උංගේ ගේ ඉස්සරහින් අක්කා බලන් ඉද්දිම පොලිස්කාරයෙක් කණෙන් ඇ‍දගෙන ගිය සීන් එක මතක් වෙනවා ඇති....කොහොමහරි ඌවත් ඇදගෙන රාජකාරිවලට පිටත් උණා...

අද අපි කොහෙටද යන්නෙ කියලා නිමිති බලලා තීරණය උනේ ඇමතියාගේ ගෙදර යන්න... ඇත්තම කියනවනං බනිස් කන්න යන්න... පුටාර් ටික පස්ස පැත්තෙ ගහගෙන අපි පෑගුවා ඇමති නිවසට.... කිලෝ 10ක් විතර පාගලා ගමනාන්තයට ළගා උණා අපි ඈතින් එනකොටම ඇමතියගෙ  අයියා ඉස්සරහට පැනලා කෑ ගහන්න ගත්තා...

මල්ලී අද ගයාන් ගෙදර නෑ බේකරියත් වහලා....

එදා තමා අපි අවසන් වරට අඩ වල සුවද බැලුවෙ....

Read more »

ප‍්‍රථම පේ‍්‍රමයෙ මතක සටහන....

ප‍්‍රියන්තිකා කියන්නෙ ටකරමක්...!! ටුටුවගේ අක්කා වගේ... 
ටුටුවා මරිවැඩ කරොත් කරන්නෙ ප‍්‍රියාට.. කරන්නෙ නන්දයත් එක්ක...

පන්තියෙ අන්තිම පේළියේ එක පැත්තක කොනක ඉන්නෙ නිර්මාල්... ඊටපස්සෙ ටුටුවා... ඊට පස්සෙ නන්දයා... නිර්මාලයා ලොවෙත් සත්‍යය පේ‍්‍රම බෘංග රාජයා.. ඌ කෙල්ලෙක්ව දාගෙන හිටියා 11 වසරෙ.. මුං දෙන්නගේ පට්ට ලවු එකක් තිබ්බෙ.. 
දවසක් මායි ලෝකයායි බූරූ ගගහා හිටපු වෙලාවක මර ලතොනි සද්දයක් එනවට බලද්දි ප‍්‍රියන්තිකා බෙරිහං දෙනවා... 
අර හයේ හතරෙ නන්දයා මුරුංගා කරල වගේ ඉන්න ප‍්‍රියාගෙ බෙල්ලෙං අල්ල ගෙන, ටුටුවා කොණ්ඩෙං අදිනවා... ඒ අස්සෙ පීපියා මුංදෙන්නට ගහනවා... ඔකිට මොනවා හරි කරදරයක් වෙනවනං ලොකයාට පට්ට ආතල් එකක් යන්නෙ... පීපියා කියන එකාගේ පොඩි සිගිරිබිරිස් එකක් තිබ්බා ප‍්‍රියා ගැන... 
මාෂල් ආර්ට් ප‍්‍රගුණ කරලා හිටියේ ඌ... අර මහාකලු සිංහලයා වගේ නන්දයාට තඩිබානවා ඌට ගාණක්වත් නෑ...මේ කලබලේ මොකක්ද කියලා බලන්න අපිත් එහෙට යද්දිම ටුටුවා කෙස් ගුලියකුත් කඩාගෙන යන්න ගියා.. ලොකයාත් ගිහින් කොණ්ඩෙන් අදින්න ලෑස්ති.... මං ඌවත් ඇදගෙන ටුටුවා ගාවට ගියා... 

"මොකෝ බං... නෑ බං කෙස්ගහක් ඉල්ලගත්තා..." 
"යකෝ ඒ ඉල්ලුවාද.....? මොකටද...??".
ඌ ඉස්සරහ දත් දෙක පෙන්නලා හිනා වෙලා පොලිතින් කවරෙකට කෙස් ගහක් දැම්මා.... ඊටපස්සෙ කවරෙ පර්ස් එකකට එබුවා... පර්ස් එක නිර්මාලයාගේ ඩෙස් එකේ ලාච්චුවට දාලා මුං දෙන්නා පාඩුවෙ ඉන්නවා... කුතුහලේ වැඩිකමට අපි සීන් එක් බලං ඉද්දි නිර්මාලයා පන්තියට ආවා... 
"පර්ස් එක අමතක වෙලා ගියා බං..." කියා ගෙන... 
පොර ඒක ගත්තු ගමන් කොණකට ගිහිල්ලා පර්ස් එකෙන් අර කොණ්ඩ ගහ අරගෙන ඉඹලා අයෙම සාක්කුවේ දාගත්තා.... 
ලොකයාට ඔක්කාරෙටත් අවා... නිදං හිටිය බේලියාට පයිං එකක් ගහලා බොහොම අමාරුවෙන් ඒක නවත්ත ගත්තෙ....

ආරංචි විදියට නිර්මාලයාගේ පර්ස් එකේ උගෙ කෙල්ලගේ කොණ්ඩගහක් තියාගෙන ඉඳලා... සැරින් සැරේ අරගෙන ඉඹිනවලු...
"ෆස්ට් ලවු එකනෙ මචං....!"
කියලා ආයෙම දා ගන්නවලු... මුං දෙන්නා ඒක ප‍්‍රියා ගෙ කොණඩ ගහකට මාරු කරලා... මූ ඉතිං ප‍්‍රියාගෙ කොණ්ඩ ගහ ඉඹ ඉඹ හිටියා අපි ඉස්කොලෙන් අයින් වෙනකල්ම.... ළගදි ටුටුවට නිර්මාලයා හම්බෙලා.... විස්තර කතා කරලා කාරිය ලව් එක ගැනත් අහලා... 

"දැන්නං ඒ ලවු එක නෑ මචං හැබැයි කොණ්ඩ ගහනං තාමත් මංගාව තියෙනවා... ඒකි මතක් වෙන්න ඒකිගෙ කියලා මෙච්චරයි තියෙන්නෙ.... ෆස්ට් ලවු එකනෙ මචං...."

කීවලු.... මූ තාමත් ඉඹින්නෙ ප‍්‍රියාගෙ කොණ්ඩ ගහ... ප‍්‍රියා වත් ඌවත් සීන් එක දන්නෙ නෑ... ප‍්‍රියාටනං මම මේක පෙන්නනවා... 

කතාව සහ සියළු නම්ගම් සත්‍යයි... 

Read more »

බඩු ගියා බන්....

මට එදා ටුටුවා හම්බෙලා ඉස්කොලේ කාලේ වෙච්ච ආතල් ටිකක් එහෙම මතක් කලා........ වැඩේ කියන්නේ මට ඔ්වා සුටුස් ගාලා අමතක වෙන එකනේ.... 
මම ඉතිං ඌට කිවුවා "ඔය කතා ටික ලියලා එවපංකො.." කියලා 
"ඔව් ඔව් මට හොඳ...ට ටයිපිං පුළුවංනේ.. මට පුළු පුළුවං වෙලාවට උඹට පුක දෙන්නං.." කියලා බැන බැන ගියා... අනේ අපරාදේ කියන්න බෑ.. කතා දෙකක් තුනක් ලියලා එවලා තිබ්බා... මේකත් එයින් එකක්...


ඔන්න දවසක් සුදු මල්ලියි(තඩි සුපුනා)  ටුටුවයි(උදිත) ජනකයයි පට්ටලයයි නන්දෙ මාමයි ටුටුලාගේ ගෙදර කවුරුත් නෑ කියලා බොන්න ගියා.... ඉස්කොලෙ සුපුරුදු ගහ දිගේ ගිහින් තාප්පෙන් පැනලා රෝයල් එකේ බැජ් ටික ගලවලා තෝපාවැව ඉස්කෝලෙ බැජ් සෙටි කරගෙන බස් එකට නැග්ගා දැන් කොහෙ ද ඉතින් බොන්න සල්ලි...? 
සුපුනා කිව්වා 
"හරි හරි ඒවා හරි බහිමු.... "
පොළොන්නරැවෙ පොළ ගාවින් බැස්ස 

තඩි සුපුනා ඇද්දා බැංකූ කාඩි 1 ක්...... සුපුනා අයියා වගේ ගියා ඇතුලට අපි එතනම කඩේක පිටිපස්සෙ සිගරටි 1 බොනවා.... බොද්දි පොරක් ආවා 
"ආ.... පුතාලා ඉස්කෝලෙ ඇදුමින්.....??"
අවුලක් නෑ අපි ගහන් ඉන්නෙ අනිත් ඉස්කොලෙ බැජ්නේ.... ටුටුවයි පටිටලයයි පොරව අදුනනවා අනිත් වුන් දන් නෑ... අර පොර අහනවා 
"පුතාලා දන්නවාද මං කවුද කියලා...??" 
එක පාරටම ගොන් පටිටලයා කිවිවා 
"රම්‍යා මැඩම්ගේ මහත්තයානේ...." 
අපේ සාමාන්‍යයපෙල  සමාජ අධ්‍යයනය මැඩම්ගෙ හබියා වැඩේ දෙල්.... අපි නොකර සද්දෙ මාරු වුනා 

සුපුනා ආවා එලියට... උගේ මූන කැන්ටමේ පැටිස් එක වගේ...කරවෙලා හැඩෙත් අවුල් මොකක් හරි අවුලක් කියල ෂුවර්... 
"බඩු ගියා බන්...."  
බලද්දි කාඩි එක ඇතුලෙ.. 
"අම්මගේ පර්ස් එකෙන් උස්සං අපු කාඩ් එක බං අම්මගේ පාස්වර්ඩ් එක ගහද්දි ඇතුලට ගියා.." 
ඇතූලට ඔක්කොම ගිහින් වැන්දෙ නැතූව විතරයි  කියන්නෙම කාඩි එක අයිතිකාරයා එක්ක එන්න කියලා 
අපේ ගෙවල් ලග අදුරන ඇන්ටි එකක් හිටියා වැඳලා වැඳලා 3.00 ට විතර කාඩි එක ගත්තා සුපුනා අඩනවා දැක්කෙ එදා තමයි කදුලු පිරිලා....

බලද්දි අම්ගෙ පර්ස් එකේ තිබිලා තියෙන්නේ අයියගෙ කාඩි එක මූ ගැහුවෙ අම්මගෙ පාස් වර්ඩි එක.. 
මූ කැනහිලා බව උගෙ අම්මට වඩා කවුද දන්නෙ... 

Read more »

ටුටුවා යි නන්දයයි මතකද...??? නෙදකිං

ටුටුවා යි නන්දයයි මතකද...  මෙ දෙන්නා තමයි කතාවේ චරිත ටික.... මේ ළගදි ටුටුවා සෙට් වෙලා අපේ අම්මටත් එක්ක හොඳ කිවුවා මන් උන් ගැන බ්ලොග් එකේ දානවා කියලා... කොහොම හරි අළුත් ආරංචි ටිකකුත් හම්බුණා.. මේ වෙලාව මදි කාලේ නිවාඩුවක් දාගෙන හරි මේ ටික ලියන්න හිතුනා.... 


මෙන්න කතාව උගෙ වචන වලින්ම..... 

"මමයි  කොටියායි දවසක් අහම්බෙන්  වගේ නන්දෙලාගෙ ගෙදර ගියා  අයි.ආර්.සී.කාරයො හතර දෙනෙක් නන්දයා වට කරගෙන..... 
අම්මට සිරි අපි උගෙ ළගට ගියා.... ගේමක්ද දන්නෑනෙ, 
නන්දයා ලැජ්ජාවෙන් අපි දිහා බලලා ඇබරෙනවා බලද්දි සීන් එක මොකද්ද දන්නවද....?? මූ මුගේ බයික් එක විකූනන්න සෙටි කරලා.....!! 
අපි ගාවට අසරණයා ඇවිත් වැන්දෙ නැතුව විතරයි අනේ බන් පත්තූ වෙන්න යන්නේ උබලා හිනා වෙලා වැඩේ කන්න එපා  කියලා... අපි ඈතට වෙලා උන්නා.... 
ඔන්න ඉතින් වැඩේ සෙට්. ගාන 13000 - 12000 අතර දොලනය වෙනවා.... 
 12500 වැඩේ ගොඩ ගියා.

එකෙක් නැග්ගා බයික් එකට අර ගෙවල් වල තියනවා වගේ ස්විචය දැම්මා, ගහනවා එකසිය ගානට.... ස්ටාර්ට් නෑ... !!
කික් පැටල් එක අඩනවා......  
නන්දෙ කියනවා එහෙම වෙන්න බෑ මම උදේ අම්මවත් දාලාලු ආවෙ,
ඊටපස්සෙ මූ අපි දෙන්නට කියනවා පෙටිටුල් ½ අරන් එන්නළු සල්ලි දුන්නෙත් නෑ...
අව්ලක් නෑ විකුන්නාම පාටියක් දෙයිනේ කියලා අපි අපේ බයික් එකේ ගිහින් ගෙනත් දුන්නා. 

අර ආපු එකා දැන් ආයෙත් කික් එකට ඔටිටු වෙලා 100 විතර ගහලා දුම දාගෙන උන් ගියා...

දැන් නන්දෙට සිරාවටම දුකයි මොන දර වැට වූනත් පයින් හරි තල්ලු කරන් යන්න එකක් තිබුනනෙ තනිවට. අපි දෙන්නත් පාටියට සෙටමොල් වෙලා ඉන්නවා.... 
මූ කිවිවා චුටිටක් බයික් එක දියන්කො කදුරුවෙලට ගිහින් පටස් ගාලා එන්නං කියලා...
අපේ එක ඌට දීලා දැන් මමයි කොටියයි පයින් කොටියලාගෙ ගෙදර ගියා අර නසරානියා ගල් තඩියක් උස්සන් එයි කියන සිහියෙන්..... 

මූ මෙන්න පැයකට විතර පස්සෙ ආවා...  සාක්කූවට අත දැමිමා....  ගත්තා එලියට හම්පඩ ගැහිචිච ඇන් 70 එකක් අපි දෙන්නාට ඉතින්  මලේ මල් 
"කෝ ගල් බෝතලේ....??"
"ගල් ගන්න සල්ල ඉතුරු උණෙ නෑ බං..." 
"දීපන් හුත් පෙට්ටෝල් ½ සල්ලි.."
" පිස්සුද බන් අම්මටත් 2000 ණයයි..." 

මෙ ගල් වැද්දා බයික් එක 12500 දීලා අතිනුත් 2000ක් දාලා  14500 කට N70ක් අරන්   

දවස් දෙක තූනකට පස්සේ අපේ ගෙදර එනවා මල්ලිගේ පුටාර් එකේ දාඩිය දා ගෙන දිව එලියට දාගෙන.... මොකද බන් මෙ හදිසියෙ ඇහුවම පෝන් එකට පොටෝ දාලා දියන්ලු.... කිලො මිටර තුනහමාරක් පැදලා රූප දා ගන්න...
නෙදකිං

Read more »