12.06.2016

උගේ අයියා.....

ඔය අපේ යාලුවෙක් ඉන්නවා උට වඩා අන්ත්යි උගේ අයියා දැන්නම් දෙවියන්ගේ පිහිටෙන් උගෙම වියදමෙන් කසාදයක් එහෙම කරගෙන ලමයෙක් කාරිය හදාගෙන රෝද හතරක් පැදගෙන ඉන්නවා බැඳපු කෙල්ලට පින් සිද්ද වෙන්න ඔනේ ඌව ඔය තත්වෙට ගෙනාවට.

අයියන්ඩි වැඩිපුර ගෙට ගොඩ වෙන්නේ මල්ලිගේ ජැනේලෙන් මොකද උන්ගේ අම්මත් ආය මොකද ගහන්නේ පුටු මේස හැඳි ගෑරුප්පු වලින්. එක බඩ වැල කඩාගෙන ආපු අයියන්ඩි හින්දා මුගේ ජනේලෙ ඔනේ වෙලාවක හොරෙක්ට උනත් ඇරලා තියෙන්නේ. 
අම්මා නිදියනකොට ලොකු පුතා නෑ නැගිටිනකොට ලොකු පුතා ඉන්නව. අම්මත් ඉතින් ටික දවසක් බලලා බැරිම තැන අම්මම ඇවිල්ලා මුගේ ජැනේලේ වහලා ලොක් කර්ලා යනවලු. අයියන්ඩි ඉතින් මහ රෑ ඇවිල්ලා හොරෙන්. මල්ලි.... එහ්... මල්ලි... නැගිටපන් *#@** ... එහ් ජනේලේ ඇරපන් කියලා මරහඬ දීලා කොහොම හරි අයියන්ඩිගේ දොර ඇරගෙන ගෙට රින්ගනවලු. අයියන්ඩි කොහොමත් රෑට එන්නේ හතර ගාතේන් හින්ඳා ඉස්සරහා දොරෙන් ජීවිතෙට එන්න බෑ අම්මගෙන් පොලු පාර කන් නැතිව.දවසක් අපේ එකාගේ කාමරේ අම්මා නිදාගෙන මල්ලිට ජනේලේ ඇරපන් කියලා කැ ගහනකොටම වතුර පාරක් කෙලලා ඇරලා වෙරි හිඳෙන්නම.

කොහොම හරි අම්මා අයියන්ඩිව හදන්න බැරිම තැන ජනෙලට ග්‍රිල් එකක් එහෙම හයි කරලා මූට ලාස්ට් වර්නින්ග් මැසෙජ් එකත් දුන්නලු තෝ ආයම මට හොරෙන් අයියන්ඩිට දොර ඇරලා තිබ්බොත් තොගේ අත පය හතර කඩලා ලිඳට දානවා කියලා ආය අම්මා කිව්වොත් බඩුම තමා හින්ඳා මූත් හිතා ගත්තලු ආය තාත්තා ආවත් දොර නම් අරින් නෑ කියලා. අම්මටත් ඕන වෙලා තියෙන්නේ වැඩට යන්න කලින් කොහොම හරි ලොකු පුතාට පොලු පාරවල් ටිකක් දෙන්න.

පස්සේ දවසක පාන්දර ජාමේ අයියන්ඩි හතර ගාතෙන් ගෙදර ඇවිත් දොරට තඩි බානවලු. කොහොමත් අයියන්ඩිගේ දොර පර්මනන්ට් වෙනස් කරපු ගමන් අයියන්ඩිත් පුරුදු වෙලා ඉඳලා තියෙන්නේ නමයට කලින් ගෙදර එන්න අයියන්ඩිගේ කරුමෙට එදා කලින්ම පහුවදා පාන්දර වෙලා.

අපේ එකාට සද්දේ ඇහෙනවලු... අම්මේ.... අම්මේ ලොකු පුතා ආවා...ලොකු පුතා ආවා කියලා අයියන්ඩි කෑ ගහනවා.. මූත් ඉතින් සහොදර ප්‍රේමෙට ලිඳට දැම්මත් කමක් නෑ කියලා දොර ළඟට යනකොට අම්මා පොල්ලකුත් අරන් දොර අරින්න හදනවලු. මුන්ගේ දොර පලු දෙකට තියෙන්නේ අම්මා දොර අරිනකොට අයියන්ඩි අම්මගේ කකුල් දෙක ගාවට මල් පොච්චියකුත් එක්කම වැටුනලු. අයියන්ඩි දොරට හෙත්තු වෙලා දොර අරිනකන් නිදාගෙන ඉඳලා . කොහොම හරි අයියන්ඩි අමාරුවෙන් නැගිටලා අම්මගෙන් ගුටි එහෙම කාලා නාලා අම්මා උයපුවා කන්න කෑම මෙසෙන් වාඩි වෙලා බලපුවම එදා තිබ්බෙ රොටීලු.

අයියන්ඩි කූඩේ යටින් ලස්සනට රොටියක් අරගෙන අයියන්ඩිගේ පිඟාන පැත්තකින් තියාගෙන රොටිය එක අතක තියාගෙන අනිත් අතින් ලස්සනට පොඩි රොටී කෑල්ලක් කඩගෙන පිඟානේ ගාගෙන රොටිය කනවලු. අපේ එකත් දැන් පාඩම් කරන එක නවත්තලා අයියන්ඩිගේ සීන් එක බලාගෙන ඉන්නවලු. අයියන්ඩි රොටිය කාලා වැනි වැනිම වතුර බොන්න සෙට් වෙනකොට මූට ඉන්නම බැරි තැන ඇහුවලු. ඈ බන් අයියන්ඩි මොන්වත් එක්කද රොටී කෑවේ.

ලුනු මිරිස් එක්ක......?

මූ කනකොට පරිප්පු විතරක් තිබ්බා කියන්න හොඳටම විස්වාස හින්දා ගිහින් බැලුවලු අයියන්ඩිගේ පිඟාන. අයියන්ඩිටයි මූටයිතිබීලා තියෙන්නේ අර ඇලුමිනියම් පිඟන් තියෙන්නේ සුදු පාට එක එක චිත්‍ර ඇඳපු  අන්න ඒ පිඟන්, අයියන්ඩිගේ පිඟානේ තියන්වලු මැද තඩි රතු පාට වද මලක්.. 
අයියන්ඩි රොටිය කාලා තියෙන්නේ වද මලේ ගාගෙන
අයියන්ඩිගේ සෙන්සර් ටික ෆේල් වෙනකන්ම කට මට්ටන් වෙන්න ගහලා වද මල ලුනු මිරිස් වෙනකන්ම. අයියන්ඩි බීපු ජාතිය අදටවත් කියන් නෑ අපි හොයාගෙන බොයි කියලා........

1 අදහස්..:

  • නරකයා....!! says:
    December 7, 2016 at 4:40 AM

    හිකිස්... අපිනං දන්නෑ කවුද කියලා....

Post a Comment

Followers