11.29.2011

පොලිසියට.....

අන්තිම පේලිය කියවන උන් මේක දැකලා ඇති.... ආයේ පාරක් කියවලා මට මොකුත් කියන්ට එපා ඔන් දැම්ම කිවුවා.....

කියනවට විශ්වාස කරන්ඩ.... ලෝකයාගේ ගෙවල් තිබ්බෙ පොලීසියට අල්ලපු වත්තෙ... ඒ දවස් වල සරා සර්ගෙ මැත්ස් ක්ලාස් ඉවර වෙලා රූ දෙගොඩ හරියෙ ඇවිදං ආ පු පාරවල් දිගේ සෙනසුරා දවසට ඇවිදන් යන්නෙ මොන්ටිසෝරි ගියපු උන්ගෙ ලෝකෙන් මිදිලා ටිකක් හුස්මක් ගන්න.. වෙන යන්න තැනක් නෑ අනිත් උං පාඩම් කරනවා..... අපි එනවට එවුන් වැඩි කැමත්තක් නෑ... ඇයි කියලා අපි හොයන්න ගියෙ නැති උණාට එකපාරක් 'පීපි'යා කිවුවා..


"තොපිට මැත්සුත් බෑ.. ෆිසික්සුත් බෑ කෙමෙස්ටි‍්‍ර කොහොමවත් බෑ.. අනුන්ට හිනවෙන්නනං හොඳ...ට දන්නවා"
කියලා...
ඉතිං අපි අපේ පාඩුවේ හිටියා... සුදුමල්ලිගෙ කැප්ඒකේ චුයින්ගම් අලවලා ඌ තාමත් තරහ නිසා එහෙ යන්නත් බෑ...
උදෙම නැගිටලා පොතක් කිහිල්ලෙ ගහගෙන බයිසිකලේ පස්සපැත්තෙ ගහගන්නකෙට අම්මා දන්නවා අද යන්නෙ පාඩම් කරන්න නෙවෙයි කියලා... සුපුරුදු පරිදි උංගෙ මිදුලට ගිහින් දත් විරිත්තලා තාතගෙන්.. "අංකල් අරූ ඇහැරලාද...?"
කියලා අහපුවාම ඔන්න මූට ඇහරවලා එවනවා... අල්ලක් විතර නිල්පාට  කලිසමෙ එලයින්මන්ට් හදා හදා....


එක්තරා එවැනිම කුජීත දවසක කවුරුහරි නොසන්ඩාලයෙක් මුගෙ ගෙදර බයික් එකක් නවත්තලා... ඒ මදිවට එන්නෙත් රූ වෙලා කියලා ගිහින්...යතුරත් තියලාම..
මේක දැකපු මේ හයිනා පැටියට තදියමක් ගැහුවා ඔකෙ ගිහින් පීපී ව අවුස්සලා එන්න... මම දන්න ශිල්ප ඔක්කොම දාලා නවත්තන්න හැදුවට බීරි බල්ලට විසිල් ගහනවා වගේ... ලයිසන් හෙල්මට මොකුත් නැතුව පොලිසියට අහුවෙන එක තරං පාපයක් තවත් නෑ.... මමත් ගිහින් පිටිපස්සෙන් එල්ලුනා.... මූ හොරපාරවල්වලින් දාලා ගිය නිසා දෙයියන්ගෙ පිහිටයි තාම නිරුපද‍්‍රිතව ඉන්නවා.... දැන් වැඩේ කරලා ආපහු යනගමන්... මෙන්න මූ මේන් රෝඩ් එකෙන් දැම්මා....


"ඔයි පිස්සු කෙලින්නැතු හරවපිය..." මං විලාප තිබ්බා
"අපිට අහවල් එකේ ඇම්මනේ... හොඳවෙන්ඩත් එක්ක මෙහෙන් යං...."
කියාගෙන....මූ තවටිකක් පෑගුවා...  හිතුවත් වගේ ඉස්සරහා ට‍්‍රැෆික් පොලිස්.... කටෙ කෙළ පුළුං වෙලා _කේ මයිල් කෙලින් වෙලා "එළකිරි.." කියලා විතරයි මට කියවුනේ......


අපි රාළහාමි ළග..ටම ගියත් එයා දැක්කෙ නෑ වෙන වැඩක.... අනික ඌ ගාව බයික් එකකුත් නෑ... අපි යන්නෙ 250cc බයික් එකක... හෙහ් මොකට බය වෙන්නද... නොම්බරේ ලියාගත්තත් අපේයැ.... මේකා එන වේගෙන්ම අරූට වෙට්ටුකුත් දා ගෙනම ඇරියා තියලා..... හූවකුත් කිවුවද මන්දා... මගේ කන් ලොක් වෙලා තිබුණෙ...



ටික දුරක් දත් 30ම දාගෙන විරිත්තගෙන ගියා... පස්ස බලද්දි තමයි ඇඹුල් එක මෙවුවා උනේ... අරූ චැලි කටුවකින් පස්සෙං එනවා.....! මල කෙළියයි....!! මේකා ඒක දැක්කා විතරයි පස්සට පෙට‍්‍රල් ගහපු ගොනා වගේ හිටගෙන පෑගුවේ... පුහ්..... මට තේරුණා බඩුම තමයි කියලා... හැබයි ලෝකයා වැඩ්ඩා.... මූ ෂෝට් කට් වලිං එහෙං දාලා මෙහෙං දාලා ආයෙත් ඒ පාරෙන් ම ආයෙත් දාලා... හරවලා ගිහින් ගිහින්..... දැම්මා ලසා ලගෙ ගෙදරට.... 


"නවත්තපුවා අල්ලන්ඩ බෑනේ බං වරෙං....." 
කියලා ඇතුළට ගියා ඇතුලට කියන්නෙ දොරගාවට මොකෝ ඌත් අපි එනවට වැඩි කැමත්තක් නෑ... ඌට නංගි කෙනෙක් ඉන්නවා... ගිහින් ඌට කතා කලා... පිපි ගෙ ගෙදර එහෙමනං ඌ හිටියත් නැතත්... මොනවා කිවත් අපි ගිහින් කාලා බීලා එන්නෙ... කතා කරන්න ඔනේ නෑ... 
කතාකලාට ඌ ගෙදර නෑ... කමක් නෑ අපි එයා එනකන් මෙහෙන් ඉන්නං..... කියන්ඩ යද්දිම... නංගි කියුවා දැන්නං මං විතරයි ගෙදර කියලා.... දැං ඉතිං කොරපංකෝ... කෙල්ලෙක් විතරක් ඉන්න ගෙදරක කොල්ලෝ දෙන්නෙක් හැංගෙන්නෙ කොහොමද....කඳුළු බින්දු අතින් වහගෙන 
"අපි ගිහිං එන්නම් නංගි... අයියට කියන්නකෝ අවා කියලා....." 


එහෙම කියලා වතුර එකක් එහෙම ඉල්ලගෙන බීලා... පාරට බහින කොටම චැලියක් ඇවිත් බ්‍රෙක් ගැහුවා... කකුල් දෙක ගාව.... මම වට පිට බලලා දුවන්නෙ කොයි පැත්තට කියලා ප්ලෑනක් ගහගෙන අරූ දිහා බලද්දී ඌව රාළහාමි අල්ලගෙන වදන් දෙනවා.... 


"තොපි හිතුවද මං රට හාවෙක් කියලා.... " 
"නෑ..." 
"වෙට්ටු දාගෙන යන්නෙ.. තොපේ  %$%@%*()" 
"අපි ඇත්තටම දැක්කෙ නෑ ඔබතුමාව....." 
"දැක්කෙ නැති හින්දද පස්ස බල බලා ඇද්දුවෙ....." 
"මම පස්ස බැලුවෙ නෑ..." 
"ආං අරූ බැලුවා මං දැක්කනේ.... ලයිසන්....??" 
"ලයිසන් එකනං නෑ... "
"ආදායම් බලපත‍්‍රය දෙනවා එහෙනං.." 



අරූ මොකූත් කිවුවෙ නෑ... විරුත්තුව දැක්කා.... 


"අඩු ගානේ හෙල්මට්වත් නෑනෙ තොපිට... බයිකලේ අරං යං පොලිසියට..." 
"අනේ එහෙම කරන්න එපා අයියෙ මගෙ නෙමෙ බයික් එක..." 
"හරි මං ඌටත් එක්කම නඩුව දාන්නම්... ලයිසන් නැති එවුන්ට දෙනවට..." 


මම කෝකටත් පැත්තකට වෙලා හිටියා... මොකටද ඉතිං මැද්දට පනිනනේ.. යාලුවෝ වෙන්න ඇතිනෙ අල්ලපු වත්තෙනෙ... කතාකරගන්න දේවලුත් ඇතිනෙ... කොහොම හරි බයික් එක පොලිසියට දාන්නම උණා.. මමයි ඌයි බයික් එකට නැග්ගා පොලිසියට යන්න... 


"හොව්...! හොව්...!! දැං තමුසෙලාට ලයිසන් නෑනේ... ඔ්ක තල්ලු කරන් පයිං එනවා..." 
මගුලයි...... කාපංකො ජිල්...දැං ලෝකයා තල්ලු කරගෙන යනවා... 
ඌ මට කියනවා ඒ අස්සෙ..... 
"මෙකෙන් පැත්තකින් අල්ලපන්... එතකොට නෝන්ඩිය දෙකට බෙදෙනවනෙ..." 
අනෙ අම්මපා ඉතිං මට....... !!පොලිසියෙ බයික් එක තියා ගත්තා මූ අහනවා "අයියෙ මෙක ගන්න අපි ආයෙ කීයටද එන්න ඔනේ..."
 රාළහාමි හොඳ හින්දා හොඳයි...



එදා හවස මුගේ තාත්තත් එක්ක ගිහින් පොර හම්බුණා.. අංකල් ගිහින් ඇහුවා....
 "මහත්තයො දැං මොකද කරන්නෙ දඩ කොළයක් දීලා බයික් එක දෙන්න බැරිද.. "

ඒත් ඌ රෙසපට් දාන්න ගත්තා මහත්තයා කිවුවනේ... 



  "හරි මම ට‍්‍රැෆික් ඔඅයිසී හම්බෙන්නං මින්හා මගෙ ගෝලයෙක්......." 


කියලා යන්න හැරෙද්දී රාළහාමි කියනවා.... 


රාළහාමි:  "හා හා රු 1000 දඩෙ මෙතනම ගෙවලා අරං යනවා දඩ ගැහුවොත් 5000ට එහා වදිනවා..." 
අංකල්:  "කමක් නෑ 5000 දඩ කොලේ දෙන්න මං ගෙවන්නං.. මං ඔඅයිසී හම්බෙලා එන්නං..." 
රාළහාමි:  "හරි 500 දෙනවකො ඔච්චරම අමාරුනං..."
අංකල් : "නෑ එහෙම බෙරලා ඇරියොත් මුං දෙන්නා හැදෙන්නෑ නඩු දාමු..." 

රාළහාමි:  "මහත්තයා රු200ක්වත් දෙන්න බැරිද A4  බන්ඩලයක්වත් ගන්න.. මගේ නොනත් අසනීපෙන්...." 
අංකල්:  "ආහ් ඔක මොකද්ද බන්ඩලේට 4ක් ගෙනත් දෙන්නංකො.... හැබයි කීයක් ගියත් මං අල්ලස් දෙනනෙනං නෑ..." 


කොහොම හරි බයික් එක නිකම්ම ගෙනාවා......

7 අදහස්..:

  • Theekshana says:
    November 29, 2011 at 7:29 PM

    හික් හික් .උබ නියමෙට ලියන්වා යාලුවා. මම පරන ඒවත් ටිකක් කියෙඋව කොහොමද බන් අර බල්ලො දෙන්න තාම ඉන්නවද.

  • ඕනයා says:
    November 29, 2011 at 9:24 PM

    බාප්පලා ඔහොමම තමයි බං . . . වතාවක් හෙල්මට් නැතුව ගිහිල්ල . . . මම දන්නෙත් නෑ බාප්පෙක් මගෙ පස්සෙං පන්නං ඇවිත් ගේ ඇතුලෙදි දඩ කොලේ ලිවුව . . .

  • Mahesh Wickramasinghe says:
    November 29, 2011 at 9:46 PM

    @Theekshana බල්ලො දෙන්නා නැති උණා බොස්... කාගේ හරි බලුවැඩකින්....

    @ඕනයා/ඇන්ඩර්සන් ලමයා.... දෙපාරක් කියවයි කියලා මං හිතුවා එකයි උඩින්ම දැම්මෙ "අන්තිම පේලිය කියවන උන් මේක දැකලා ඇති.... " කියලා..

  • ඔබ නොදු‍ටු ලොවක්..... says:
    November 30, 2011 at 1:34 AM

    තාත්තා එළ පොරකි .....

  • Anonymous says:
    November 30, 2011 at 12:45 PM

    adoooo thopita honda wade
    meage gawa sinhala font ekak na. thibbath liyanda danneth na. aulak nane. adooo katta niyamai machoooo

  • Anonymous says:
    November 30, 2011 at 12:45 PM

    above comment was published by pp

  • Mahesh Wickramasinghe says:
    November 30, 2011 at 5:11 PM

    @ඔබ නොදු‍ටු ලොවක්... සිරාවට...!!
    @PP thankui PP....

Post a Comment

Followers